කොවිඩ් මරණ 2ක්

කොවිඩ් -19 ආසාදිත පුද්ගල මරණ 2ක් ඊයේ (09) දිනයේදී සෞඛ්‍ය සේවා අධ්‍යක්ෂ ජනරාල්වරයා විසින් තහවුරුකර තිබේ.

ඒ අනුව මෙරටදී සිදුව ඇති කොවිඩ් ආසාදිත සමස්ත මරණ සංඛ්‍යාව 595ක් දක්වා ඉහළගොස් ඇත.

එලෙස මරණයට පත්ව ඇත්තේ වව්නියාව ප්‍රදේශයේ පදිංචි 66 හැවිරිදි කාන්තාවක් සහ යාල්වෙල ප්‍රදේශයේ පදිංචි 71 පිරිමි පුද්ගලයෙකි.

මේ අතර ඊයේ දිනය තුළ නව කොවිඩ්  – 19 ආසාදිතයින් 228 දෙනෙකු හඳුනාගෙන තිබුණි.

එම ආසාදිතයින් අතර විදේශයන් හි සිට පැමිණි පුද්ගලයින් 45 දෙනෙකු සිටි.

ඒ අනුව මෙරට සමස්ත කොවිඩ් – 19 ආසාදිතයින් සංඛ්‍යාව 94,564 දෙනෙකු දක්වා ඉහළ ගොස් ඇති බව වසංගත රෝග විද්‍යා අංශය සඳහන් කළේය.

සමස්ත කොවිඩ් ආසාදිතයින්ගෙන් 91,272 දෙනෙකු මේ වන විට සුවය ලබා ඇති අතර තවත් ආසාදිතයින් 2,697 දෙනෙකු තවදුරටත් නේවාසිකව ප්‍රතිකාර ලබමින් සිටි.