සබරගමුවට නව ජාතික පාසල් 81ක්
රත්නපුර සහ කෑගල්ල දිස්ත්‍රික්ක දෙක තුළ අළුතින් ජාතික පාසල් 81ක් ආරම්භ කරන බව සබරගමු පළාත් ආණ්ඩුකාර ටිකිරි කොබ්බෑකඩුව මහතා ඊයේ (17) සඳහන් කළේය.
ඒ මහතා මේ බව සඳහන් කළේ එදින Zoom තාක්ෂණය ඔස්සේ පැවති සාකච්ඡාවකට එක් වෙමිනි.
කරුණාකර අපේ ෆේස්බුක් පිටුව ලයික් කරන්න!
රාජ්‍ය අමාත්‍ය කනක හේරත්, ප්‍රධාන ලේකම් රංජනී ජයකොඩි, පළාත් අධ්‍යක්ෂ සේපාල කුරුප්පුආරච්චි යන මහත්ම මහත්මීන් ද මීට එක්විය.
ඒ අනුව එම සියලු පාසල් සඳහා රජය මඟින් රුපියල් ලක්ෂ 20 බැගින් ලබා දීමට කටයුතු කර ඇතැයි සබරගමු පළාත් ආණ්ඩුකාරවරයා මෙහිදී පැවසීය.
එම මුදල් අත්‍යවශ්‍ය භාණ්ඩ මිලදී ගැනීමටත්, විද්‍යාලයේ අළුත් වැඩියා කටයුතු සදහාත් වෙන් කර ඇතැයි ඒ මහතා පැවසීය.