හෙට සිට ජුනි 07 දක්වා දැඩි සංචරණ සීමා
ලබන ජුනි මස 7 වනදා අලුයම 4 දක්වා දැනට ක්‍රියාත්මක සංචරණ සීමා බලපැවැත්වෙන බව අමාත්‍ය ජොන්ස්ටන් ප්‍රනාන්දු ප්‍රකාශ කළා.
රජයේ ප්‍රවෘත්ති දෙපාර්තමේන්තුවේ දැන් පැවැත්වෙන මාධ්‍ය හමුවකට එක්වෙමින් ඔහු කියා සිටියේ හෙට දිනයේ මෙන්ම, ලබන 31 වනදා සහ ජුනි මස 4 වනදා අත්‍යාවශ්‍ය භාණ්ඩ මිලදී ගැනීම සඳහා අවස්ථාව හිමිවන බවයි.
කරුණාකර අපේ ෆේස්බුක් පිටුව ලයික් කරන්න!
එහිදී පවුලේ එක් සාමාජිකයෙකු පමණක් ළඟම ඇති වෙළඳසැලට ගොස් අත්‍යාවශ්‍ය භාණ්ඩ මිලදී ගත යුතු බවයි අමාත්‍යවරයා සඳහන් කළේ.
නිවසට අවශ්‍ය බඩු මිලදී ගැනීමට යා හැක්කේ පා ගමනින් පමණක් වන අතර වාහන පාවිච්චි කර බඩු භාණ්ඩ ලබා ගැනීමට යාමට අවසර නොලැබෙන බව පොලිස් මාධ්‍ය ප්‍රකාශකවරයා වැඩි දුරටත් අදහස් දක්වමින් කියා සිටියා.