மெஸ்ஸி ஓய்வு பெறப்போவதாக அறிவிப்பு

கத்தாரில் எதிர்வரும் 18ஆம் திகதி நடைபெறவுள்ள உலகக் கிண்ண கால்பந்தாட்டப் போட்டியின் இறுதிப் போட்டிக்கு தனது அணியை வழிநடத்தவுள்ள உலகப் புகழ்பெற்ற கால்பந்து நட்சத்திரம் லியோனல் மெஸ்ஸி, சர்வதேச கால்பந்து மைதானத்தில் இருந்து ஓய்வு பெறுவதாக அறிவித்துள்ளார்.

அரையிறுதியில் குரோஷியாவுக்கு எதிராக சாகச ஆட்டத்தின் மூலம் தமது அணியை வெற்றிப் பாதைக்கு அழைத்துச் சென்ற மெஸ்ஸி, 35 வயதானதைடுத்து அடுத்த கால்பந்து உலகக் கோப்பையில் நம்பிக்கை வைக்க முடியாது என்கிறார்.

அடுத்த உலகக் கோப்பை 2026ல் நடைபெறும்போது, அதில் இணைவதில் நம்பிக்கை இல்லாததால் இளம் ஆற்றல் மிக்க வீரர்களுக்கு வாய்ப்பளிக்க வேண்டும் என்று கூறியுள்ளார்.

25 உலகக் கோப்பை போட்டிகளில் 11 கோல்கள் அடித்து வரலாற்று புத்தகத்தில் இணைந்த வீரர் லியோனல் மெஸ்சி என்பது குறிப்பிடத்தக்கது.