துணிவு படத்திற்கு சவுதியில் தடை விதிக்கப்பட்டுள்ளது.

துணிவு திரைப்படம் அஜித் மற்றும் மஞ்சு வாரியர் முக்கிய கதாப்பாத்திரத்தில் நடித்துள்ள ரசிகர்கள் ஆவலுடன் காத்திருக்கின்றனர். எச்.வினோத் இயக்கும் இப்படம் குறித்து வெளியாகும் தகவல்கள் அனைவரையும் அதிர்ச்சியில் ஆழ்த்தியுள்ளது.

ஜனவரி 11-ஆம் தேதி வெளியாகும் இப்படத்தை சவுதி அரேபியாவில் வெளியிட தடை விதிக்கப்பட்டுள்ளதாக தற்போது செய்திகள் வெளியாகியுள்ளன. திருநங்கைகள் சம்பந்தப்பட்ட காட்சிகள், இஸ்லாம் எதிர்ப்பு மற்றும் அதிகப்படியான வன்முறை ஆகியவை தடைக்கு முக்கிய காரணமாக சொல்லப்படுகிறது. குவைத், கத்தார் உள்ளிட்ட மற்ற வளைகுடா நாடுகளில் இப்படம் இன்னும் படம் தணிக்கை செய்யப்படவில்லை. இது முடிவடைந்தால் இந்த நாடுகளிலும் தடை விதிக்கப்படும் எனத் தெரிகிறது.

இந்திய படங்களுக்கு அரபு நாடுகளில் தடைவிதிக்கப்படுவது இது முதன்முறை அல்ல, இதற்கு முன் விஜய் நடித்த பீஸ்ட், மோகன்லாலின் ‘மான்ஸ்டர்,
துல்கர் சல்மான் நடித்திருந்த குரூப், விஷ்ணு விஷால் நடித்த எஃப்.ஐ.ஆர், அக்‌ஷய் குமாரின் ஏர்லிஃப்ட் இப்படி பட்டியல் நீண்டு கொண்டே போகும். இப்படி பல படங்களுக்கும் அரபு நாடுகளில் தடைவிதிக்கப்பட்டு இருந்தது. இந்த படங்களில் முஸ்லீம்களை தீவிரவாதிகளாக சித்தரிக்கும் படியான காட்சிகள் இடம்பெற்று இருந்ததால் அங்கு வெளியிட தடைவிதிக்கப்பட்டது குறிப்பிடத்தக்கது.

நேர்கண்டே பார்வை, வலிமை படங்களுக்குப் பிறகு எச்.வினோத் – அஜித் மீண்டும் இணையும் படம் தான் துணிவு. படத்தை போனி கபூர் தயாரித்துள்ளார். இப்படத்தில் வீரா, சமுதர்கனி, ஜான் கோகன் மற்றும் தெலுங்கு நடிகர் அஜய் ஆகியோர் முக்கிய வேடங்களில் நடித்துள்ளனர். நீரவ் ஷா ஒளிப்பதிவு மற்றும் விஜய் வேலுக்குட்டி படத்தொகுப்பு. படத்தின் அதிரடி இயக்குனர் சுப்ரீம் சுந்தர்.