காணாமல் போன இளைஞர்கள் சித்திரவதை செய்யப்பட்டு கொலை

காணாமல் போன இரண்டு முஸ்லிம் இளைஞர்களின் சடலங்கள் மாவனல்லையில் கண்டெடுக்கப்பட்டுள்ளன. ஒரு சடலம் நேற்று (12) கண்டெடுக்கப்பட்டதுடன் மற்றைய சடலம் நேற்று (13) கண்டெடுக்கப்பட்டது.

நவம்பர் 19 மற்றும் 25 ஆம் திகதிகளில் மாவனல்லை பொலிஸாரிடம் காணாமல் போனதாக அறிவிக்கப்பட்ட இந்த இரண்டு இளைஞர்களும் பத்து மணியளவில் கொல்லப்பட்டு ரம்புக்கனை ஹுரிமலுவ பிரதேசத்தில் உள்ள வீடொன்றின் பின்னால் புதைக்கப்பட்டனர். மாவனெல்ல, கிரிங்காதெனிய மற்றும் கெரமினிவத்தை பிரதேசங்களைச் சேர்ந்த மொஹமட் இக்பால் மொஹமட் அசார் (வயது 26) மற்றும் மொஹமட் அன்வர் மொஹமட் அர்பாத் (வயது 28) ஆகிய இருவருமே இந்தச் சம்பவத்தில் உயிரிழந்துள்ளனர்.

இந்த இளைஞர்கள் தடுத்து வைக்கப்பட்டு தாக்கப்பட்டு, கூரிய ஆயுதங்களால் வெட்டி காயங்களில் உப்பு தூள் மற்றும் கிருமி நாசினிகள் தெளித்து சித்திரவதை செய்து, ஹுரிமாலுவில் உள்ள பர்ஹான் என்ற உள்ளூர் போதைப்பொருள் வியாபாரியால் கொல்லப்பட்டுள்ளனர்.

இந்த இளைஞர்களை மூன்று நாட்கள் சித்திரவதை செய்து கொன்றதை நேரில் பார்த்த ஒருவர் உள்ளார். அவரும் சித்திரவதைக்கு ஆளாகி கொல்லப்படவிருந்தவர். ஆனால் அவர் அந்த இடத்தை விட்டு தப்பியோடி உயிர் தப்பியுள்ளார்.

கொலையாளி ஃபர்ஹான் இந்த இரண்டு இளைஞர்களையும் தனது வீட்டின் அறையில் சித்திரவதை செய்து கொன்று, உடல்களை பாலிதீனில் சுற்றி வைத்து தனது வீட்டின் பின்னால் புதைத்துள்ளார். பின்னர் புதைக்கப்பட்ட இடத்தை கான்கிரீட் மூலம் மூட ஏற்பாடு செய்துள்ளார்.

கொல்லப்பட்ட இரு இளைஞர்களும் ஹெரோயின் போதைக்கு அடிமையானவர்கள் என பொலிஸார் தெரிவித்துள்ளனர்.

இருவரையும் கொடூரமாக கொன்றது தொடர்பான முதல் தகவல் கேகாலை குற்றப்பிரிவு குற்றப்பிரிவு போலீஸ் கான்ஸ்டபிள் ஒருவருக்கே கிடைத்தது. ரம்புக்கன ஹுரிமலுவ பிரதேசத்தில் உள்ள ஹுரிமலுவ என்ற போதைப்பொருள் வியாபாரி பர்ஹானின் வீட்டில் இரண்டு இளைஞர்கள் கொலைசெய்யப்படுவதை தாம் பார்த்ததாக ஒருவரிடமிருந்து அவருக்கு தகவல் கிடைத்துள்ளது.

இரண்டு இளைஞர்கள் கொல்லப்பட்ட பின்னர் வீட்டின் பின்புறம் புதைக்கப்பட்டதை தான் பார்த்ததாகவும் அவர் கூறியிருந்தார்.

தகவல் கொடுத்த பயணியையும் போதைப்பொருள் கடத்தல்காரர் தாக்கியுள்ளார். அவரும் கொல்லப்படுவதற்காக இருந்தவர் எனத் தெரியவருகிறது.

நான் கடுமையாக தாக்கப்பட்டேன். என்னை அடிக்கும் போது, ​​இந்த இரண்டு இளைஞர்களும் அந்த வீட்டின் ஒரு அறையில் அடைக்கப்பட்டிருந்தனர். அவர்களை ஆயுதங்களால் வெட்டினர். பின்னர் காயங்களுக்கு உப்பு தூள் போடப்பட்டு , கிருமிநாசினி நீர் அவர்கள் மேல் ஊற்றப்பட்டது. அந்த இரண்டு இளைஞர்கள் பட்ட வேதனையை என் இரு கண்களால் பார்த்தேன் என அவர் போலீசாரிடம் தெரிவித்துள்ளார்.

முகமது அன்வர் முகமது அர்பத் என்ற இளைஞன் மூன்று நாட்களாக சித்திரவதை செய்யப்பட்டதாக போலீசாரிடம் அந்த நபர் தெரிவித்துள்ளார். ஆனால் முதலில் இறந்தவர் 26 வயதான முகமது இக்பால் முகமது அசார் என்பவர் என அவர் மேலும் தெரிவித்துள்ளார்.

இது தொடர்பில் கேகாலை பிரிவு குற்றத்தடுப்பு பிரிவின் உதவி பொலிஸ் அத்தியட்சகர் பிரதீப் வீரசேகரவின் பணிப்புரையின் பேரில், அதன் நிலைய கட்டளை பெண் அதிகாரியான பொலிஸ் பரிசோதகர் அப்சரா அபேகுணசேகர மேலதிக விசாரணைகளை மேற்கொண்டு பல முக்கிய தகவல்களை வெளிப்படுத்தியுள்ளார்.

குறித்த இளைஞர்கள் இருவரும் ஹெரோயின் போதைக்கு அடிமையானவர்கள் என தகவல்கள் தெரிவிக்கின்றன. கடந்த நவம்பர் மாதம், நாட்டில் ஹெரோயின் தட்டுப்பாடு ஏற்பட்ட போது, ​​இந்த போதைப்பொருள் வியாபாரியின் வீட்டிற்கு ஐஸ் வாங்கச் சென்றுள்ளனர்.

கொலைக்கான காரணம் , இறந்தவரின் 28 வயது சகோதரருக்கும் இந்த போதைப்பொருள் வியாபாரி அர்பானுக்கும் இடையே ஏற்பட்ட தகராறாகும். ஹுரிமலுவ பிரதேசத்தில் உள்ள பர்ஹான் என்ற போதைப்பொருள் வியாபாரியிடம் குறித்த நபர் போதைப்பொருளை பெற்றுக்கொண்டு பணம் திருப்பிக் கொடுக்காதது தொடர்பில் தகராறு ஒன்று ஏற்கனவே ஏற்பட்டுள்ளது. ஐஸ் தேடி வீட்டுக்குச் சென்ற இந்த இளைஞனின் சகோதரர் ஒருவருக்கும் , ஃபர்ஹானுக்கும் எனும் போதை வியாபாரிக்கும் இடையில் இளைஞனின் சகோதரர் ஒருவர் பணம் கொடுக்காமல் தவிர்த்த போதைப்பொருள் தொடர்பில் பிரச்சினை ஏற்பட்டிருந்தது.

இது தொடர்பில் குறித்த இளைஞருக்கும் போதைப்பொருள் கடத்தல்காரருக்கும் இடையில் ஏற்பட்ட வாய்த்தர்க்கத்தை அடுத்து இருவரும் கடத்தல்காரரிடம் போய் மாட்டிக் கொண்டனர்.

உள்ளூர் மட்டம் வரை பரவிய போதைப்பொருள் வர்த்தகத்தின் கொடூரத்தை வெளிப்படுத்தும் வகையில் போதைப்பொருள் கடத்தலின் நீட்சியாகவே சம்பந்தமே இல்லாத இவ்விரு இளைஞர்களும் கொல்லப்பட்டமை தற்போது தெரியவந்துள்ளது.

போதைப்பொருள் வாங்கச் சென்ற இந்த இரண்டு இளைஞர்களும் , காவல்துறைக்கு தகவல் கொடுப்பவர்கள் என்ற சந்தேகமும் ஃபர்ஹானுக்கு இருந்துள்ளது. அதன் காரணமாகவே கடும் சித்திரவதை கொடுத்து அவர்கள் கொல்லப்பட்டமை விசாரணைகள் மூலம் தெரிய வந்துள்ளது.

சம்பவம் தொடர்பான உண்மைகளை பொலிசார் நீதிமன்றில் அறிவித்ததையடுத்து, கேகாலை நீதவான் வாசன நவரத்ன, கேகாலை பொது வைத்தியசாலையின் நிபுணத்துவ சட்ட வைத்தியர்களுடன் இணைந்து போதைப்பொருள் கடத்தல்காரரின் வீட்டின் பின்பகுதியை நேற்று (12) பார்வையிட்டார்.

அதன்பின், வீட்டின் பின்பகுதியில் கான்கிரீட் தளம் அமைக்கப்பட்டு, கோழிக்கூடு அமைப்பதற்காக தயார் செய்யப்பட்ட இடத்தில், போலீசாரால் தோண்டும் பணி நடந்தது.

இதனையடுத்து, கடந்த 12ஆம் திகதி பிற்பகல் சடலம் ஒன்று கண்டெடுக்கப்பட்டதுடன், அது 26 வயதுடைய முகமது இக்பால் முகமது அசார் என்பவருடையது என பொலிஸார் கருதுகின்றனர்.

நேற்று தோண்டிய புலனாய்வு அதிகாரிகள் மற்றைய சடலத்தையும் அதேபோன்ற பகுதியிலிருந்து கண்டெடுத்துள்ளனர்.

அது 28 வயதுடைய முகமது அன்வர் முகமது அர்பாத்தின் சடலமாக இருக்கலாம் என சந்தேகிக்கப்படுவதாக பொலிஸார் தெரிவிக்கின்றனர்.

சந்தேக நபரின் வீட்டில் உயிரிழந்த இளைஞர்களின் சடலங்களை சுற்றுவதற்கு பயன்படுத்தப்பட்டதாக கூறப்படும் மெழுகு சீலைகளை பொலிஸார் கண்டுபிடித்துள்ளனர்.

சம்பவத்துடன் தொடர்புடைய ஹுரிமலுவேயைச் சேர்ந்த பர்ஹான் உட்பட நான்கு பிரதான சந்தேகநபர்கள் தற்போது அப்பகுதியிலிருந்து தப்பிச் சென்றுள்ளனர்.

கொலையாளிகள் குறித்து போலீசார் தீவிர விசாரணைகளை நடத்தி வருகின்றனர்.