நட்சத்திரங்கள் மற்றும் அதிர்ஷ்டம் தரும் தெய்வங்கள்.

மனிதர்கள் தங்கள் வாழ்வில் சிறப்படைய அவரவர் நட்சத்திரப் பலன் நாளில் அதிர்ஷ்டம் தரக்கூடிய தெய்வங்களை வழிபட நல்வழி பிறக்கும்.

மனிதர்கள் யாவரும் ஏதாவது ஒரு திதியில் நட்சத்திரத்தில் பிறந்திருப்பார்கள். இதை அவரவர் ஜாதகத்தில் அறியலாம். பலருக்கும் தன் பாவ வினையால் எவ்வளவு முயற்சித்தும் தெய்வ அருளை பெறமுடியாமல் இருப்பார்கள்.

அவர்கள் தன் திதியிலோ அல்லது நட்சத்திர நாளிலோ அதிர்ஷ்டம் தரக்கூடிய தெய்வங்களை வழிபாட்டால் வாழ்வில் சிறப்படையலாம். குல தெய்வ வழிபாடு மிக முக்கியமான வழிபாடாகும். குல தெய்வ வழிபாடிருந்தால் மட்டுமே மற்ற எந்த வழிபாடாயினும் சிறப்பைத் தரும்.

நட்சத்திரங்கள் மற்றும் அதிர்ஷ்டம் தரும் தெய்வங்கள் :

அஸ்வினி – ஸ்ரீசரஸ்வதி தேவி.

பரணி – ஸ்ரீதுர்கா தேவி.

கார்த்திகை – ஸ்ரீசரவணபவன் (முருகப் பெருமான்).

ரோகிணி – ஸ்ரீகிருஷ்ணன் (விஷ்ணு பெருமான்).

மிருகசீரிடம் – ஸ்ரீசந்திர சூடேஸ்வர் (சிவ பெருமான்).

திருவாதிரை – ஸ்ரீசிவபெருமான்.

புனர்பூசம் – ஸ்ரீராமர் (விஷ்ணு பெருமான்).

பூசம் – ஸ்ரீதட்சிணாமூர்த்தி ( சிவபெருமான்).

ஆயில்யம் – ஸ்ரீஆதிசேசன் (நாகம்மாள்).

மகம் – ஸ்ரீசூரிய பகவான் (சூரிய நாராயணர்).

பூரம் – ஸ்ரீஆண்டாள் தேவி.

உத்திரம் – ஸ்ரீமகாலட்சுமி தேவி.

அஸ்தம் – ஸ்ரீகாயத்ரி தேவி.

சித்திரை – ஸ்ரீசக்கரத்தாழ்வார்.

சுவாதி – ஸ்ரீநரசிம்மமூர்த்தி.

விசாகம் – ஸ்ரீமுருகப் பெருமான்.

அனுஷம் – ஸ்ரீலட்சுமி நாரயணர்.

கேட்டை – ஸ்ரீவராஹ பெருமாள் (ஹயக்கிரீவர்).

மூலம் – ஸ்ரீஆஞ்சநேயர்.

பூராடம் – ஸ்ரீஜம்புகேஸ்வரர் (சிவபெருமான்).

உத்திராடம் – ஸ்ரீவிநாயகப் பெருமான்.

திருவோணம் – ஸ்ரீஹயக்கிரீவர் (விஷ்ணுப் பெருமான்).

அவிட்டம் – ஸ்ரீஅனந்த சயனப் பெருமாள் (விஷ்ணுப் பெருமான்).

சதயம் – ஸ்ரீமிருத்யுஞ்ஜேஸ்வரர் (சிவபெருமான்).

பூரட்டாதி – ஸ்ரீஏகபாதர் (சிவபெருமான்).

உத்திரட்டாதி – ஸ்ரீமகாஈஸ்வரர் (சிவபெருமான்).

ரேவதி – ஸ்ரீஅரங்கநாதன்.

இவைகள் அனைத்தும் அந்தந்த நட்சத்திரகாரர்களுக்கு அதிர்ஷ்டம் தரக்கூடிய தெய்வங்கள் ஆகும். இருப்பினும் குல தெய்வ வழிபாடு மிக முக்கியமான வழிபாடாகும். குல தெய்வ வழிபாடிருந்தால் மட்டுமே மற்ற எந்த வழிபாடாயினும் சிறப்பைத் தரும்.

இதனைத் தவிர அவரவர்கள் பிறந்த நட்சத்திரத்திற்குரிய கிரகம் எதுவோ அந்த கிரகத்திற்குரிய அதிதேவதையான தெய்வத்தினையும் வழிபட்டு வந்தால் வாழ்வில் சங்கடங்கள் நீங்கி மகிழ்ச்சியாக வாழலாம்.

நட்சத்திரங்களின் கிரகங்கள் மற்றும் தெய்வங்கள்

கார்த்திகை, உத்திரம், உத்திராடம் (சூரியன்) சிவன்

ரோகிணி, அஸ்தம், திருவோணம் (சந்திரன்)
பராசக்தி
திருப்தி ஏழுமலையான்

மிருகசீரிடம், சித்திரை, அவிட்டம் (செவ்வாய் )
முருகன்

திருவாதிரை, சுவாதி, சதயம் (ராகு ) காளி, துர்க்கை

புனர்பூசம், விசாகம், பூரட்டாதி (குரு ) தட்சிணாமூர்த்தி

பூசம், அனுசம், உத்திரட்டாதி (சனி) சனி பகவான் ஹனுமன்

ஆயில்யம், கேட்டை, ரேவதி (புதன் )விஷ்ணு பெருமாள்

மகம், மூலம், அஸ்வினி (கேது) விநாயகர்

பரணி, பூரம், பூராடம் (சுக்கிரன்) மகாலஷ்மி