மின்னல் தாக்கியதில் 12 வயது சிறுவன் பலி – இருவர் வைத்தியசாலையில்…

மின்னல் தாக்கியதில் 12 வயது சிறுவன் ஒருவர் உயிரிழந்துள்ளார் என்று பொலிஸார் தெரிவித்துள்ளனர்.

இந்தச் சம்பவம் ருவன்வெல்ல பகுதியில் இடம்பெற்றுள்ளது.

சம்பவத்தில் பாதிக்கப்பட்ட மேலும் இரு சிறுவர்கள் வைத்தியசாலையில் சேர்க்கப்பட்டுள்ளனர்.

ருவன்வெல்ல – மாப்பிட்டிகம பிரதேசத்தில் களனி ஆற்றில் குளித்துவிட்டு வீட்டிற்கு நடந்து சென்ற குழுவினர் நேற்று மாலை இந்த அனர்த்தத்தைச் சந்தித்துள்ளனர் என்று பொலிஸார் தெரிவித்துள்ளனர்.

மின்னல் தாக்கி உயிரிழந்த சிறுவன் ருவன்வெல்ல – கோனகல பிரதேசத்தைச் சேர்ந்தவர் எனவும், காயமடைந்தவர்கள் அவிசாவளை வைத்தியசாலையில் சேர்க்கப்பட்டுள்ளனர் எனவும் பொலிஸார் மேலும் தெரிவித்துள்ளனர்.