இலங்கையின் வரலாற்றை மாற்றிய நாள் , 2022 ஜூலை 09.

09 ஜூலை 2022.

அன்றைய தினம் நாடாளுமன்ற சபாநாயகர் தலைமையில் கட்சித் தலைவர்கள் கூட்டம் நடைபெற்றது.

அந்தக் கூட்டத்தில், அப்போதைய ஜனாதிபதி கோட்டாபயவும், பிரதமர் ரணிலும் பதவி விலகி, சர்வகட்சி ஆட்சி அமைக்க அனுமதிக்க வேண்டும் என, கட்சித் தலைவர்கள் சேர்ந்து இணக்கப்பாட்டுக்கு வந்தனர்.

கூட்டம் முடிந்த உடனேயே சபாநாயகர் அறிக்கை ஒன்றை வெளியிட்டு, ஜனாதிபதி மற்றும் பிரதமரின் பதவி விலகல் கோரிக்கை மாலைதீவில் இருந்த ஜனாதிபதி கோட்டாவிடம் தெரிவிக்கப்பட்டதாக தெரிவித்தார்.

இந்த சந்திப்பின் பின்னர், முஸ்லிம் காங்கிரஸ் தலைவர் ரவூப் ஹக்கீம் விடுத்த அறிக்கையில், பிரதமர் ரணில் விக்கிரமசிங்க பதவி விலக சம்மதித்துள்ளதாக தெரிவித்தார்.

இந்த சந்திப்பில் முப்படைகளின் தளபதிகளும் கலந்து கொண்டதாகவும், ஜனாதிபதி கோட்டாபய மற்றும் பிரதமர் ரணில் பதவி விலகுவதை உறுதி செய்ய வேண்டும் என்பதே போராட்டத்தை முடிவுக்கு கொண்டு வருவதற்கான இரண்டு முக்கிய கோரிக்கைகளாக இருந்தன என இலங்கை நாடாளுமன்ற உறுப்பினர் அங்கஜன் ராமநாதன் தெரிவித்தார்.

இந்தச் செய்தி ஒளிபரப்பான சிறிது நேரத்திலேயே, பிரதமர் பதவியில் இருந்து விலகுவதற்கு ரணில் சம்மதித்தார் என்றும், சர்வகட்சி ஆட்சி அமைக்கும் வரை அவர் பிரதமராக இருப்பார் என்றும் பிரதமரின் ஊடகப் பிரிவு அறிக்கை வெளியானது.

அதனையடுத்தே, ரணிலின் தனி இல்லத்திற்கு அருகாமையில் இருந்த செயற்பாட்டாளர்கள் மீதும், சிரச ஊடக வலையமைப்பு மீதும் தாக்குதல் நடத்தப்பட்டது. அந்த தாக்குதலின் பின்னரே ரணிலின் வீடு எரிக்கப்பட்டது.

மறுநாளும் சபாநாயகர் தலைமையில் கட்சித் தலைவர்கள் கூட்டம் நடைபெற்றது.

இடைக்கால அரசாங்கத்தின் தலைவராக சபாநாயகரை நியமிப்பதற்கும், பொருளாதார நெருக்கடிக்கு அடிப்படைத் தீர்வுகளை வழங்குவதற்கும், நிறைவேற்று ஜனாதிபதி முறையை இல்லாதொழித்து பொதுத் தேர்தலுக்குச் செல்வதற்கும் கட்சித் தலைவர்கள் இணக்கம் தெரிவித்தனர்.

அந்தக் கூட்டத் தொடருக்கு ஜே.வி.பி. தலைவர் அனுரகுமார திஸாநாயக்கவும் கலந்து கொண்டு அதற்கு இணங்கினார். அத்துடன், சபாநாயகரை ஜனாதிபதியாகக் கொண்ட இடைக்கால அரசை, போராட்டத்தில் முன்னணியில் இருந்த சோசலிச முன்னணிக் கட்சியும் விரும்பியது. இக்கூட்டத்தில் பார்வையாளர்களாக கலந்து கொண்ட முப்படைகளின் தளபதிகள், தீர்மானத்தை உடனடியாக அமுல்படுத்தவும், நாட்டை அமைதிப்படுத்த தங்களுக்கு அதிகாரம் வழங்கப்பட வேண்டுமென கோரிக்கை விடுத்துள்ளனர்.

இந்த கூட்டத் தொடரில் பொதுஜன பெரமுனவும் கலந்து கொண்டதுடன் அவர்களும் எதிர்க்கவில்லை.

அன்றைய கூட்டத்தில் ரணில் கலந்து கொள்ளவில்லை.

அப்போது மகிந்த ராஜபக்ச, நாமல் ராஜபக்ச, பசில் ராஜபக்ச உள்ளிட்ட ராஜபக்ச குடும்பத்தினருடன் ரணில் கலந்துரையாடிக் கொண்டிருந்தார். சபாநாயகரை ஜனாதிபதியாக்கும் பிரேரணை அமுல்படுத்தப்பட்டால் சஜித் பிரேமதாச பிரதமராவார் எனவும் , ராஜபக்ச குடும்பத்தை அந்த அரசாங்கமே ராஜபக்சவினரை சிறையில் தள்ளும் எனவும் ரணில், ராஜபக்ச குடும்பத்திற்கு சுட்டிக்காட்டினார்.

அதைத் தடுக்க ராஜபக்சே குடும்பத்திடம் , தன்னை பதில் ஜனாதிபதியாக நியமிக்குமாறு ரணில் வற்புறுத்தினார். சஜித் பிரதமரானால் தனது அரசியல் முடிந்து விடும் என்று நாமல் பயந்தார். சபாநாயகர் பலமாகி, டல்லஸ் பலசாலியாகி விட்டால், தனது அரசியல் முடிந்துவிடும் என பசில் பயந்தார்.

உடனடியாக மாலைதீவில் இருந்த கோட்டாவுடன் பேசி ரணிலை பதில் ஜனாதிபதியாக்க தேவையான கடிதத்தில் கையெழுத்திட்டு பெற்றனர்.

ஆனால் கோட்டாபய உலகம் இருண்டு போனது போன்ற நிலையில் இருந்தார். டலஸ் மற்றும் பொதுஜன பெரமுனவைச் சேர்ந்த சுயேச்சைக் குழு, ராஜபக்ச குடும்பத்தின் செல்வாக்கிற்கு ஆளாகாமல் நாட்டிற்கு நன்மை பயக்கும் இடைக்கால அரசாங்கத்தை அனுமதிக்குமாறு கோட்டாவுக்கு அழுத்தம் கொடுத்தனர்.

ரணில் பதில் ஜனாதிபதியின் கடிதத்தை எடுத்துக்கொண்டு அமைச்சரவை கூட்டத்தை அழைத்தார் . ஆனால் இரண்டு மூன்று அமைச்சர்களைத் தவிர மற்ற அனைவரும் அதனைப் புறக்கணித்து ஊடகவியலாளர் மாநாட்டை நடத்தி இடைக்கால அரசாங்கத்தை உருவாக்குவதற்கு அமைச்சுப் பதவிகளை இராஜினாமா செய்வதாகக் கூறினர்.

ரணில் , தான் பதில் ஜனாதிபதி என அறிவித்ததுடன், அமைச்சரவையிலிருந்து எவரிடமிருந்தும் இதுவரை இராஜினாமா செய்யதாக கடிதங்கள் கிடைக்கவில்லை என்றார். அதே சமயம் கோட்டாவின் இராஜினாமாவை அறிவிக்கவுள்ளதாக அவர் அறிவித்தார்.

அமைச்சர்கள் குழுவில் உள்ள எவரிடமிருந்தும் ராஜினாமா கடிதம் எதுவும் தமக்கு கிடைக்கவில்லை என பதில் ஜனாதிபதி ரணில் தெரிவித்துள்ளார். அதேபோல், கோட்டாவின் பதவி விலகல் குறித்தும் அன்றைய தினம் அறிவிக்கப்படும் என்றும் அவர் அறிக்கையில் தெரிவித்துள்ளார்.

அப்போதுதான் கோட்டா மனம் மாறினார்.

சபாநாயகர் ஊடாகவே தனது அறிக்கைகளை வெளியிடுவேன் என மாலைதீவில் இருந்த கோட்டாபய விசேட அறிக்கையொன்றை விடுத்தார்.

ஆனால் ரணிலை பதில் ஜனாதிபதி அல்லது பிரதமர் பதவியில் இருந்து நீக்க வேண்டாம் என மஹிந்த, நாமல், பசில் ஆகியோர் கோட்டாவை அச்சுறுத்தினர்.

கோட்டாவின் பாதுகாப்பை உறுதி செய்வதாகவும், கோட்டாவினால் நியமிக்கப்பட்ட பாதுகாப்பு செயலாளர் உள்ளிட்ட பாதுகாப்புப் பொறுப்பாளர் பதவிகளை மாற்றப் போவதில்லை எனவும், கோட்டா அமெரிக்கா செல்ல விரும்பினால் அதற்கான வசதிகளை செய்து தருவதாகவும் ரணில், கோட்டாவுக்கு உறுதியளித்தார். இலங்கையில் தங்குவதற்கு விரும்பின், அதற்கான வசதிகளை செய்து கொடுப்பதாகவும் வாக்குறுதியளித்தார்.

1988-89 கிளர்ச்சியை அடக்கி தனது கொடியை நிலை நாட்டியது போல , அரகலய போராட்டத்தை ஒடுக்கி ராஜபக்ச குடும்பத்திற்கு மீண்டும் அரசியலுக்கு வர வாய்ப்பளிப்பதாக ரணில் உறுதியளித்தார்.

ரணிலை பிரதமர் பதவியில் இருந்து நீக்கி, சபாநாயகர் ஜனாதிபதியாக வருவதை சாத்தியமாக்கும் கட்சித் தலைவரின் பிரேரணையை கோட்டாபய உதறித் தள்ளினார். ரணிலை தற்காலிக ஜனாதிபதியாகி, போராட்டத்தை தாக்கி ஒடுக்கி, ராஜபக்ச குடும்பத்தின் மூலம் பொதுஜன பெரமுனவின் வாக்குகளைப் பெற்று பாராளுமன்றத்திலிருந்து ஜனாதிபதியாக வர வழி செய்தார்.

ரணில் ஜனாதிபதியானதன் மூலம் பழைய பாரம்பரிய அரசியலுக்கு மீண்டும் உயிர் கொடுத்தார்.

இந்தப் பழைய அரசியலுக்கு எதிராகவேதான் அரகலய போராட்டம் ஆரம்பித்திருந்தது.

சஜித் தலைமையிலான ஐக்கிய மக்கள் சக்தி , அநுரவின் ஜே.வி.பி மற்றும் அரசாங்கத்தில் இருந்து வெளியேறிய டலஸின் சுயேச்சைக் குழு ஆகியவை பாரம்பரிய அரசியலுக்கு முடிவு கட்டும் போராட்டத்திற்கு ஆதரவளித்தன. இந்த மூவருமே பாரம்பரிய அரசியலைக் காப்பாற்ற மேல்தட்டு குடும்ப வர்க்கத்திற்கு ஆதரவான முதுகெலும்பில்லாத தலைவர்கள்.

சபாநாயகர் தலைமையில் இடைக்கால அரசாங்கத்தை அமைப்பதற்கு ரணில் மற்றும் ராஜபக்ச குடும்பம் இடையூறு ஏற்படுத்திய பின்னரும், சஜித்தும் டலசும் பாராளுமன்றத்தில் ஜனாதிபதியை தெரிவு செய்வதற்கான வாக்கெடுப்பு நடத்தி மக்களுக்கு சாதகமான சூழ்நிலையில் இடைக்கால அரசாங்கத்தை அமைத்தனர். பொருளாதார நெருக்கடியைச் சமாளித்து பொதுத் தேர்தலுக்குச் செல்ல அவர்கள் நினைத்தனர். அந்த கடைசி முயற்சியையும் ரணிலும் ராஜபக்சே குடும்பத்தினரும் முறியடித்தனர்.

ஆனால், சபாநாயகர் ஜனாதிபதியாகி அல்லது சஜித்-டலஸ் பிரதமர்-ஜனாதிபதியாகி இடைக்கால அரசாங்கத்தை அமைத்திருந்தால் அடக்குமுறையுடன் போராட்டம் முடிவுக்கு வந்திருக்காது, நாட்டுக்கு நல்லதொரு வரலாற்று உடன்படிக்கையுடன் ஆட்சி மலர்ந்திருக்கும்.

அதாவது திருடர்களைப் பிடித்து திருடர்களுக்கு தண்டனை வழங்குவது என்ற உடன்படிக்கையுடன் திருடர்களின் பணத்தை நாட்டுக்கு எடுத்து வந்து மீண்டும் திருட முடியாது என்ற அமைப்பை உருவாகியிருக்கும். இந்த ஒப்பந்தத்தில் இடைக்கால அரசும், போராட்டத் தலைவர்களும் கையெழுத்திட்டனர். அப்படி நடந்தால், இடைக்கால அரசின் நிதியமைச்சர் ஐ.எம்.எஃப். அனைத்து தரப்பினரையும் பிரதிநிதித்துவப்படுத்தும் இடைக்கால அரசாங்கத்தின் முன்மொழிவுகள் மற்றும் நிபந்தனைகளுடன் சென்றிருந்தால் , ஐ.எம்.எப். நிவாரணம் பெற மார்ச் வரை காத்திருக்க வேண்டியிருக்கவில்லை.

ஜூலை மாதமே ஊழியர்கள் நிலை ஒப்பந்தத்தில் கையெழுத்திட்டு நிம்மதியாக இருந்திருக்கலாம்.

சபாநாயகரின் இடைக்கால அரசு அப்போராட்டத் தலைவர்களுடன் ஒப்பந்தங்களில் கைச்சாத்திட்டிருந்தால் இலங்கையின் அரசியல் மாற்றத்தை , உலகிற்கு முன்னுதாரணமாக்கி, செய்தியாக்க வந்த வெளிநாட்டு ஊடகங்கள் உலகிற்கு வழங்கியிருக்கும்.

ரணில் பிரதமராக பதவியேற்று இந்த மே மாதத்துடன் ஒரு வருடம் நிறைவடைகிறது.

இலங்கை இன்னமும் சர்வதேச நாணய நிதிய வெளிநாட்டு உதவியை மட்டுமே பெற்றுள்ளது. அதுவும் 330 மில்லியன் டாலர்கள் மட்டுமே. சபாநாயகர் ஜனாதிபதியாகி இடைக்கால அரசாங்கத்தை அமைத்து செயற்பாட்டாளர்களின் ஆதரவைப் பெற்றிருந்தால் இந்நேரம் இலங்கை பொதுத் தேர்தலை நடத்தி நிலையான அரசாங்கத்தை நியமித்து ஜனாதிபதி முறையை ஒழித்திருக்கும்.

அதை ராஜபக்சே குடும்பத்தினரும்ம் , ரணில் விக்ரமசிங்கவும் நாசமாக்கினர்.

விமல் தெரியாதது போல் புலம்பி நடிக்கலாம், அதுவே நாடு முழுவதும் அறிந்த மறைந்து நிற்கும் கதையாகும்.

உபுல் ஜோசப் பெர்னாண்டோ