வாக்னர் கூலிப்படையினர் ரஷ்ய மாஸ்கோவிற்கு அருகில் உள்ள வோரோனேஜ் நகரை கைப்பற்றியதாக அறிவிப்பு

ரஷ்யாவில் ஆட்சியை கைப்பற்றுவோம் என மிரட்டிய வாக்னர் கூலிப்படையினர் வேறு ஒரு நகரத்தில் ஆட்சியை கைப்பற்றியுள்ளதாக வெளிநாட்டு ஊடகங்கள் தெரிவிக்கின்றன.

ரோஸ்டோவ்-ஆன்-டான் நகரத்தின் மீது தங்கள் கட்டுப்பாட்டை வைத்திருப்பதாக வாக்னரின் படைகள் அறிவித்தன, மேலும் மாஸ்கோவிற்கு அருகில் உள்ள வோரோனேஜ் நகரில் உள்ள அனைத்து இராணுவ வசதிகளும் வாக்னரின் போராளிகளின் கட்டுப்பாட்டில் இருப்பதாகத் தெரிவிக்கப்படுகிறது.

இருப்பினும், வோரோனேஜ் நகர அதிகாரிகள் இந்த விஷயத்தில் இதுவரை பகிரங்கமாக கருத்து தெரிவிக்கவில்லை.

இதற்கிடையில், Voronezh பிராந்திய ஆளுநர் Aleksandr Gusev, முன்னர் அறிவிக்கப்பட்ட பயங்கரவாத எதிர்ப்பு நடவடிக்கையின் ஒரு பகுதியாக ரஷ்ய ஆயுதப் படைகள் இப்போது Voronezh பிராந்தியத்தில் நடவடிக்கைகள் மற்றும் போர்களை நடத்தி வருவதாகக் கூறினார்.

இதனிடையே, தீவிரவாத எதிர்ப்பு நடவடிக்கையின் ஒரு பகுதியாக, ரஷ்யாவில் பாதுகாப்பு பலப்படுத்தப்பட்டுள்ளது.

வாக்னர் இராணுவம் அதன் டெலிகிராம் சேனலில் ஒரு ஆடியோ செய்தியை வெளியிட்டுள்ளது, இது ஜனாதிபதி விளாடிமிர் புட்டினின் தொலைக்காட்சி உரைக்கு வாக்னர் கூலிப்படை குழுவின் தலைவரான யெவ்ஜெனி பிரிகோஜினின் பதில் என்று கூறுகிறது. அதில் ,

நாங்கள் எங்கள் தாய்நாட்டின் தேசபக்தர்கள், நாங்கள் போராடினோம், இப்போது போராடுகிறோம். ஜனாதிபதியோ அல்லது வேறு யாரோ தெரிவிப்பது போன்ற எமது குற்றத்தை யாரும் ஏற்றுக்கொள்ளப் போவதில்லை. ஏனென்றால், நம் நாடு ஊழல், பொய்கள் மற்றும் அதிகாரவர்க்கத்தில் இனி வாழ்வதை நாங்கள் விரும்பவில்லை.

இன்று காலை புட்டின் கருத்துக்களில், வாக்னரின் படையினர் தேசத்துரோகிகள் என்று குற்றம் சாட்டினார். மக்கள் ஒற்றுமையாக இருக்குமாறும், நிலைமையை கட்டுப்படுத்த அதிகாரிகள் விரைந்து நடவடிக்கை எடுப்பார்கள் என்றும் அவர் கூறினார்.

ஆனால் இராணுவ சதிப்புரட்சியின் அனைத்து கூற்றுகளையும் நிராகரிக்கும் வாக்னர், தனது நோக்கம் இராணுவ சதி அல்ல, நீதிக்கான அணிவகுப்பு என்று கூறுகிறார்.

வாக்னர் இராணுவத் தலைவர் யெவ்ஜெனி ப்ரிகோஜின், தெற்கு நகரமான ரோஸ்டோவ்-ஆன்-டானில் இருந்து மாஸ்கோவிற்குப் பயணிக்கும் வீடியோ காட்சிகளையும் வெளியிட்டார், அது தனது கட்டுப்பாட்டில் இருப்பதாக அவர் கூறுகிறார்.

ஆனால், அவர்களால் தலைநகர் மாஸ்கோவை அடைய முடியுமா அல்லது கிரெம்ளினுக்கு மட்டும் கடும் அச்சுறுத்தலாக உள்ளதா என்பது பிரச்னையாக உள்ளதாக வெளிநாட்டு தகவல்கள் தெரிவிக்கின்றன.

வாக்னரின் படையில் யெவ்ஜெனி ப்ரிகோஜின் தலைமையில் 25,000 ஆயுதமேந்திய போராளிகள் இருப்பதாகக் கூறுகின்றனர். அவர்களில் பலர் பல மாதங்களாக கிழக்கு உக்ரைனில் கடுமையான சண்டையில் ஈடுபட்டு வருகின்றனர்.