மிதிவெடி அகற்றுதல் தொடர்பான கலந்துரையாடல்.

மிதிவெடி அகற்றுதல் தொடர்பான கலந்துரையாடல்

பிரித்தானியாவை மையமாகக் கொண்டு செயற்படுகின்ற ஹலோ ட்ரெஸ்ட் HALO TRUST மனிதாபிமான மிதிவெடி அகற்றும் நிறுவனத்தினால் முல்லைத்தீவு மாவட்டத்தின் கரைதுறைப்பற்று பிரதேச செயலகத்திற்கு உட்பட்ட குமுளமுனை, தன்னிமுறிப்பு, கொக்குத்தொடுவாய் ஆகிய இடங்களில் புதிதாக மிதிவெடி அகற்றுதல்  தொடர்பான தெளிவூட்டல் கலந்துரையாடல் மாவட்ட செயலகத்தில் மாவட்ட செயலாளர் க.விமலநாதன் தலைமையில் 17.09.2020வியாழக்கிழமை இடம்பெற்றுள்ளது.

இக் கலந்துரையாடலில் குறித்த நிறுவனத்தின் கடந்த கால திட்டங்கள்,  செயற்பாடுகள் மற்றும் எதிர்கால செயற்பாடுகள் தொடர்பாக  தெளிவூட்டப்பட்டுள்ளது.

 ஹலோ ட்ரெஸ்ட் மனிதாபிமான மிதிவெடி அகற்றும் நிறுவனத்தின் நிகழ்ச்சி திட்ட முகாமையாளர் மற்றும் அதிகாரிகள், குறித்த துறையுடன் தொடர்புடைய இராணுவ பொலிஸ் அதிகாரிகள், கரைதுறைப்பற்று பிரதேச செயலாளர், சமூக மட்ட பிரதிநிதிகள், மாவட்ட செயலக உத்தியோகத்தர்கள் எனப்பலர் கலந்து கொண்டனர்.