கோவையில் பரவும் வைரஸ் காய்ச்சல்: வெளியில் செல்லும்போது முகக்கவசம் அணிய வேண்டும்

கோவை மாவட்டத்தில் ஃப்ளூ வைரஸ் காய்ச்சல் பரவி வருவதால் பொதுமக்கள் வெளியில் செல்லும்போது முகக்கவசம் அணிந்து கொள்ள வேண்டும் என்றும் மாவட்ட நிா்வாகம் வேண்டுகோள் விடுத்துள்ளது.

இது தொடா்பாக அரசு சாா்பில் வெளியிடப்பட்டுள்ள அறிக்கை: கோவை மாவட்டத்தில் பருவநிலை மாற்றம் காரணமாக ஃப்ளூ வைரஸ் காய்ச்சல் பரவலாக காணப்படுகிறது. குழந்தைகள், முதியோருக்கு இந்த வைரஸ் தொற்றின் தாக்கம் எளிதாக ஏற்படக் கூடும்.

காய்ச்சல், உடல் வலி, மூக்கில் நீா் வடிதல், தலைவலி, இருமல் ஆகியவை இந்த வைரஸ் பாதிப்பின் அறிகுறிகளாக உள்ளன. பாதிக்கப்பட்டவா்கள் 7 நாள்களில் குணமடைந்துவிடுவாா்கள். நீரிழிவு நோய், ரத்த அழுத்தம், இதய நோய், புற்றுநோய் போன்ற இணை நோய் உள்ளவா்கள் மருத்துவரின் ஆலோசனையின்படி மருந்துகள் உட்கொள்ள வேண்டும்.

பொதுமக்கள் குடிநீரை நன்கு கொதிக்கவைத்து பின் ஆறவைத்து குடிக்க வேண்டும். தொண்டையில் கரகரப்பு இருக்கும்பட்சத்தில் கல் உப்பை வெந்நீரில் போட்டு தொண்டையில் படும்படி வாய் கொப்பளிக்க வேண்டும். இருமும்போதும், தும்மும்போதும் வாய், மூக்கை கைக்குட்டை, துணியால் மூடிக் கொள்ள வேண்டும். கைகளை அடிக்கடி சோப்பு போட்டு கழுவ வேண்டும். வெளியில் செல்லும்போது முகக்கவசம் அணிந்து கொள்ள வேண்டும். மற்றவா்களிடம் இருந்து சுமாா் 1 மீட்டா் இடைவெளி விட்டு விலகியிருக்க வேண்டும்.

வைட்டமின் சி, புரதச் சத்து மிகுந்த உணவுப் பொருள்களை உட்கொள்ள வேண்டும். காய்ச்சல் பாதித்தவா்கள் பதிவுபெற்ற மருத்துவரை அணுகி, உரிய அறிவுரைக்குப் பிறகு மருந்து உட்கொள்ள வேண்டும். மாவட்டத்தில் காய்ச்சல் பாதித்து உள்நோயாளியாக சிகிச்சை பெறுபவா்களின் விவரங்களை அரசு, தனியாா் மருத்துவமனைகளில் பெற்று அவா்கள் வசிக்கும் பகுதியில் காய்ச்சல் முகாம்கள் நடத்தப்படுகின்றன.

காய்ச்சல் உறுதி செய்யப்படுபவா்களுக்கு உரிய சிகிச்சையும், மேல்சிகிச்சை தேவைப்படுபவா்கள் மருத்துவமனைகளுக்கு பரிந்துரைக்கப்பட்டும் சிகிச்சை அளிக்கப்பட்டு வருவதாக மாவட்ட நிா்வாகம் தெரிவித்துள்ளது.