தாயை கொன்றவர் முன்னாள் இராணுவ சிப்பாய்! : சந்தேகத்தில் கைதான மகள் விடுவிப்பு

கஹவத்தை வெள்ளந்துறை வீட்டில் கழுத்து நெரிக்கப்பட்டு கொலை செய்யப்பட்ட  வினிதா ஜயசுந்தர எனப்படும் ,  71 வயதுடைய தாயை கொலை செய்திருக்கலாம் எனும் சந்தேகத்தின் பேரில் விளக்கமறியலில் வைக்கப்பட்டிருந்த அவரது மகளை விடுதலை செய்யுமாறு பெல்மடுல்ல நீதவான் நுதினன் சிறிவர்தன நேற்று (29) உத்தரவிட்டுள்ளார்.

கொலைச் சம்பவம் தொடர்பில் கைது செய்யப்பட்ட , கொலையான பெண்ணின் மகள் , கொலையாளி இல்லை என புலன் விசாரணையில் தெரிய வந்ததை அடுத்து , நீதவான் இந்த உத்தரவை பொலிஸாருக்கு பிறப்பித்தார்.

இந்தக் கொலைச் சம்பவம் தொடர்பில் சந்தேகத்தின் பேரில் கைது செய்யப்பட்டுள்ள வெல்லந்துறை , வெலேவத்தையைச் சேர்ந்த தொலே பாஸ் எனப்படும் தலகல ஆராச்சிகே அருண சஞ்சீவ என்பவரை எதிர்வரும் ஜனவரி மாதம் முதலாம் திகதி வரை விளக்கமறியலில் வைக்குமாறும் நீதவான் உத்தரவிட்டுள்ளார்.

சந்தேகநபர் 50 வயதுடையவர் என்பதுடன் அவர் சில காலமாக இராணுவ சேவையில் இருந்துள்ளார்.

இந்த மரணம் தொடர்பில் கைது செய்யப்பட்ட சந்தேக நபர் இறந்தவரின் வீட்டைப் பழுதுபார்ப்பதற்காக வந்திருந்த இறந்தவரின் நண்பர் என்பதாலும், உயிரிழந்தவரின் தங்கப் பொருட்கள் திருடப்பட்டமை தொடர்பில் சந்தேகநபருக்கு சந்தேகம் வந்ததாலும் சம்பவத்தன்று தி. உயிரிழந்தவர் , சந்தேக நபருக்கு ஒன்பது தொலைபேசி அழைப்புகளை மேற்கொண்ட போதிலும், ஒரு அழைப்புக்கு மாத்திரம் பதில் அளிக்கப்பட்டமை சந்தேகத்துக்கு காரணமானது என விசாரணைகளை கண்டறியப்பட்ட தகவல்களை கஹவத்தை பொலிஸார் நீதவான் முன்னிலையில் முன்வைத்தனர்.

மேலும், சந்தேகநபர், தங்கப் பொருட்கள் திருடப்பட்டதை உயிரிழந்தவரிடம் ஒப்புக் கொண்டு, அதற்கான பெறுமதியை பணமாக செலுத்துவதாக உறுதியளித்துள்ளதாகவும் விசாரணைகளில் தெரியவந்துள்ளது.

கடந்த டிசம்பர் 13ஆம் திகதி கஹவத்தை பொலிஸ் எல்லைக்குட்பட்ட வெள்ளந்துர வெலேவத்தையில் உள்ள வீடொன்றில் வைத்து ஜயசுந்தர வினிதா ஜயசுந்தர என்ற பெண் கழுத்து அறுத்து அறுக்கப்பட்ட நிலையில் படுகொலை செய்யப்பட்டார். மூன்று பிள்ளைகளின் தாயான இவர் இரத்தினபுரி சனச இயக்கம் மற்றும் பிரதேசத்தில் சமூக சேவகியாக இருந்தார்.

இந்த மர்மக் கொலையில் சந்தேகத்தின் பேரில் கொலையான பெண்ணின் மகள் , கடந்த டிசம்பர் 15ஆம் தேதி கைது செய்யப்பட்டு ஜனவரி 1ஆம் தேதி வரை விளக்கமறியலில் வைக்க உத்தரவிடப்பட்டிருந்தது. ஆனால் கஹவத்தை பொலிஸார் நீதிமன்றில் சமர்ப்பித்த அறிக்கையின் பிரகாரம் சந்தேகநபர் நேற்று (29) பலாங்கொடை நீதிமன்றத்தினால் விடுதலை செய்யப்பட்டார்.