ஈராக் மற்றும் சிரியா மீது அமெரிக்க ஏவுகணை தாக்குதல் – 34 பேர் பலி.

சமீபத்தில் ஜோர்டானில் உள்ள அமெரிக்க ராணுவ தளம் மீது ஆளில்லா விமானம் மூலம் தாக்குதல் நடத்தி மூன்று ராணுவ வீரர்கள் கொல்லப்பட்டதற்கு பதிலடி கொடுக்கும் விதமாக நேற்று ஈராக் மற்றும் சிரியா மீது அமெரிக்கா ஏவுகணை தாக்குதல் நடத்தியதாக வெளிநாட்டு ஊடகங்கள் செய்தி வெளியிட்டுள்ளன.

ஈராக் மற்றும் சிரியாவில் உள்ள 85 சந்தேகத்திற்கிடமான இலக்குகள் மீது அமெரிக்க இராணுவம் ஏவுகணைத் தாக்குதல்களை நடத்தியுள்ளதாக வெளிநாட்டு ஊடகங்கள் மேலும் தெரிவித்துள்ளன, ஜோர்டானில் உள்ள அமெரிக்க இராணுவத் தளத்தின் மீதான தாக்குதல் ஈரானின் ஆதரவுடன் ஆயுதக் குழுவினால் மேற்கொள்ளப்பட்டதாகக் கூறியுள்ளது. 30 நிமிடங்களில் அந்த இடங்களில் 125 குண்டுகளை அமெரிக்க போர் விமானங்கள் வீசியதாகவும் வெளிநாட்டு ஊடகங்கள் செய்தி வெளியிட்டுள்ளன.

தாக்குதலுக்குப் பிறகு ஈராக், சிரியா மற்றும் ஈரான் அறிக்கை வெளியிட்டதுடன், தாக்குதலுக்கு கண்டனம் தெரிவிப்பதாக அறிவித்ததுடன், மத்திய கிழக்கில் போர்ச் சூட்டை அதிகரிக்க அமெரிக்கா முயற்சிப்பதாகத் தெரிவிக்கப்படுகிறது.

இதேவேளை, அமெரிக்காவின் பதில் நடவடிக்கை ஆரம்பிக்கப்பட்டுள்ளதாகவும், எதிர்காலத்தில் தேவையான நேரத்தில் மற்றும் தெரிவு செய்யப்பட்ட இடங்களில் தாக்குதல்கள் தொடரும் எனவும் அமெரிக்க ஜனாதிபதி ஜோ பிடன் மேலும் தெரிவித்துள்ளதாக வெளிநாட்டு ஊடகங்களும் செய்தி வெளியிட்டுள்ளன.