பாகிஸ்தான் தேர்தலில் எந்த கட்சிக்கும் பெரும்பான்மை கிடைக்கவில்லை.

பாகிஸ்தான் பொதுத் தேர்தலின் இறுதி முடிவுகளின்படி, எந்தக் கட்சியாலும் ஆட்சி அமைப்பதற்குத் தேவையான இடங்களில் வெற்றிபெற முடியவில்லை என வெளிநாட்டு ஊடகங்கள் செய்தி வெளியிட்டுள்ளன. இருந்தபோதும், தற்போது சிறையில் உள்ள முன்னாள் பிரதமர் இம்ரான் கானின் கட்சியின் சுயேச்சை வேட்பாளர்கள் முன்னிலையில் இருப்பதாக வெளிநாட்டு ஊடகங்கள் மேலும் தெரிவித்துள்ளன.

நேற்றைய தேர்தலின் இறுதி முடிவுகளை வெளியிட்ட அந்நாட்டு தேர்தல் ஆணையம், மொத்தமுள்ள 265 நாடாளுமன்ற இடங்களில் 101 இடங்களில் சுயேச்சை வேட்பாளர்கள் வெற்றி பெற்றுள்ளதாக அறிவித்துள்ளது. அவர்களில் 93 வேட்பாளர்கள் இம்ரானின் தெஹ்ரீக்-இ-இன்சாப் கட்சியின் பிரதிநிதிகள் என்றும் வெளிநாட்டு ஊடகங்கள் குறிப்பிட்டுள்ளன. நவாஸ் ஷெரீப்பின் பாகிஸ்தான் முஸ்லிம் லீக்கின் நவாஸ் கட்சி 75 இடங்களில் வெற்றி பெற்றுள்ளதாகவும் தெரிவிக்கப்பட்டுள்ளது.

இம்ரானின் கட்சியும், நவாஸ் ஷெரீப்பின் கட்சியும் ஆட்சி அமைக்கத் தயாராக இருப்பதாக அறிவித்துள்ளன, தேர்தலில் மூன்றாவது அதிக இடங்களைப் பெற்ற பாகிஸ்தான் மக்கள் கட்சித் தலைவர் பில்வால் பூட்டோ, இம்ரானின் கட்சியுடன் எந்த விவாதமும் நடத்தப்படவில்லை என்று கூறினார். நவாஸ் ஷெரீப்பின் கட்சி கூட்டு ஆட்சி அமைக்கும்.

இதேவேளை, கராச்சியை தளமாகக் கொண்ட முதாஹிபா குவாமி இயக்கம் 17 ஆசனங்களை கைப்பற்றியுள்ள நிலையில், எந்தவொரு கட்சியின் கூட்டணி அரசாங்கத்திலும் தீர்க்கமான காரணியாக மாறக்கூடிய சாத்தியக்கூறுகள் இருப்பதாகவும் வெளிநாட்டு ஊடகங்கள் செய்தி வெளியிட்டுள்ளன.