கனடாவில், கூரிய ஆயுதம்” அல்லது “கத்தி போன்ற பொருளால்” இடம்பெற்ற கொலை சம்பவத்தில் 4 குழந்தைகள் உட்பட 6 இலங்கையர்கள் பலி (திருத்தம்) – Video

கனடாவின் ஒட்டாவா நகரில் உள்ள வீடொன்றில் “edged weapon” or “knife-like object” “கூரிய ஆயுதம்” அல்லது “கத்தி போன்ற பொருளால்” இடம்பெற்ற கொலை சம்பவத்தில் , இரண்டு பெரியவர்கள் மற்றும் நான்கு சிறுவர்கள் உட்பட 6 பேர் உயிரிழந்துள்ளனர்.

படுகாயமடைந்த ஒருவர் வைத்தியசாலையில் அனுமதிக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

சம்பவம் தொடர்பில் சந்தேகநபர் ஒருவர் கைது செய்யப்பட்டுள்ளதாக தெரிவிக்கப்படுகின்றது.

கனேடிய உயர்ஸ்தானிகராலயத்தின் அறிக்கையை மேற்கோள்காட்டி , இறந்தவர்கள் இலங்கை குடும்பத்தைச் சேர்ந்தவர்கள் என்று கூறியுள்ளது.

எவ்வாறாயினும், அவர்கள் பற்றிய மேலதிக தகவல்கள் எதுவும் ஊடகங்களுக்கு வெளியிடப்படவில்லை.

பிந்திய இணைப்பு

ஒட்டாவாவில் நான்கு சிறு குழந்தைகள் உட்பட இலங்கைக் குடும்பம் ஒன்றின் உறுப்பினர்கள் கொல்லப்பட்டதை ஒரு “பாரிய படுகொலை” என்று கனேடிய பொலிசார் வர்ணிக்கின்றனர்.

பலியான ஆறு பேரும் கனடாவுக்கு புதிதாக வந்தவர்கள் என்றும், இளையவருக்கு மூன்று மாதங்களுக்கும் குறைவான வயது என்றும் போலீசார் தெரிவித்துள்ளனர்.

குடும்பத்துடன் வசித்து வந்த இலங்கையைச் சேர்ந்த 19 வயது மாணவன் ஒருவரே இந்தக் கொலைச் சம்பவத்தில் ஈடுபட்டதாக குற்றம் சாட்டப்பட்டுள்ளது.

“இது முற்றிலும் அப்பாவி மக்கள் மீது நிகழ்த்தப்பட்ட அர்த்தமற்ற வன்முறைச் செயல்” என்று ஒட்டாவாவின் காவல்துறைத் தலைவர் வியாழக்கிழமை தெரிவித்துள்ளார்.

ஒட்டாவா புறநகர் பகுதியான பார்ஹேவனில் இருந்து புதன்கிழமை உள்ளூர் நேரப்படி சுமார் 22:52 மணிக்கு (03:52 GMT) அவசர அழைப்புகளுக்கு பொலிசார் பதிலளித்துள்ளனர்.

போலீஸ் தலைவர் எரிக் ஸ்டப்ஸ் கூறுகையில், சந்தேக நபரை அதிகாரிகள் உடனடியாக அடையாளம் கண்டுகொண்டனர், அவர் எந்த பிரச்சனையும் இல்லாமல் கைது செய்யப்பட்டார்.

அதன்பின்னர் பொலிசார் வீட்டிற்குள் நுழைந்து பாதிக்கப்பட்டவர்களைக் கண்டுபிடித்தனர், அதில் ஒரு தாய், அவரது நான்கு குழந்தைகள் மற்றும் குடும்பத்துடன் வசித்து வந்த ஒரு அறிமுகமானவர் ஆகியோர் அடங்குவர்.

உயிரிழந்தவர்கள் 35 வயதான தர்ஷனி பண்டாரநாயக்க கமகே தர்ஷனி டிலந்திகா ஏகனாயக்க மற்றும் அவரது நான்கு பிள்ளைகள் என அடையாளம் காணப்பட்டுள்ளனர். ஏழு வயது இனுகா விக்ரமசிங்க, நான்கு வயது அஷ்வினி விக்ரமசிங்க, இரண்டு வயது றினியான விக்கிரமசிங்க மற்றும் இரண்டு மாத கெலி விக்கிரமசிங்க இவர்களுள் அடங்குவர்.

அறிமுகமானவர் மற்றும் உயிரிழந்த ஆறாவது நபர் 40 வயதான அமரகோன் முதியான்சேலாகே காமினி அமரகோன் என அடையாளம் காணப்பட்டார்.

குடும்பத்தின் தந்தையும் காயமடைந்ததாகவும், ஆபத்தான நிலையில் மருத்துவமனைக்கு கொண்டு செல்லப்பட்டதாகவும் தலைமை ஸ்டப்ஸ் கூறினார்.

சந்தேக நபர் 19 வயதான பெப்ரியோ டி-சொய்சா என பொலிஸாரால் அடையாளம் காணப்பட்டுள்ளார். அவர் மீது 6 முதல் நிலை கொலை மற்றும் ஒரு கொலை முயற்சி வழக்குகள் பதிவு செய்யப்பட்டுள்ளன.

தலைமை ஸ்டப்ஸ் கூறுகையில், பாதிக்கப்பட்டவர்கள் ” கூரான ஆயுதத்தை” பயன்படுத்தி கொல்லப்பட்டனர் மற்றும் காயமடைந்தனர் தெரிவித்துள்ளார். போலீஸ் விசாரணை நடந்தி வருகிறது.

ஒட்டாவாவின் சமீபத்திய வரலாற்றில் இந்த சம்பவம் மிகப்பெரிய கொலை வழக்கு என்றும், இது ஒரு “உண்மையான சோகம்” , இது நாட்டின் தலைநகரில் “குறிப்பிடத்தக்க” தாக்கத்தை தொடர்ந்து ஏற்படுத்தும் என அவர் கூறினார்.

“சமூகத்தின் மீதான தாக்கம் அதிகம் என்று நான் உறுதியாக நம்புகிறேன்,” என்று அவர் மேலும் கூறிய, அதே நேரத்தில் குடியிருப்பாளர்கள் மற்றும் சமூக உறுப்பினர்கள் தொடர்ந்து அப்பகுதியில் இருந்து விலகி இருக்க வேண்டும் என்றும் வலியுறுத்தினார்.

வியாழன் அன்று முன்னதாக ஒரு தனி நேர்காணலில், அவர் இந்த சம்பவத்தை “வெகுஜன துப்பாக்கிச் சூடு” என்று தவறாகக் குறிப்பிட்டார், பின்னர் அது சரி செய்யப்பட்டது.

வியாழனன்று டொராண்டோவில், பிரதம மந்திரி ஜஸ்டின் ட்ரூடோ இந்த சம்பவத்தில் “அதிர்ச்சியையும் திகிலையும்” வெளிப்படுத்தினார், இது “பயங்கரமான வன்முறை” என்று அவர் தெரிவித்தார்.

ஒட்டாவாவின் மேயர் பல கொலைகளான இது “எங்கள் நகர வரலாற்றில் மிகவும் அதிர்ச்சியூட்டும் வன்முறை சம்பவங்களில் ஒன்று” என்று தெரிவித்துள்ளார்.

“பாதுகாப்பான சமூகத்தில் வாழ்வதில் நாங்கள் பெருமிதம் கொள்கிறோம், ஆனால் இந்த செய்தி ஒட்டாவா குடியிருப்பாளர்கள் அனைவருக்கும் வருத்தமளிக்கிறது” என்று மார்க் சட்க்ளிஃப் X இல் ஒரு பதிவில் எழுதியுள்ளார்.

“இந்த பயங்கரமான நிகழ்வால் பாதிக்கப்பட்டவர்களை விசாரித்து ஆதரவளிபவர்களுக்கு நன்றி,” என்று அவர் மேலும் கூறினார்.