ரம்ஜான் நோன்பு காலத்தில் காஸாவில் கடுமையான உணவு தட்டுப்பாடு.

இஸ்ரேலுக்கும் பாலஸ்தீனத்திற்கும் இடையில் கைதிகளை விடுவிப்பதற்கான புதிய போர்நிறுத்த முன்மொழிவுகளை எகிப்து மற்றும் கத்தாரில் உள்ள மத்தியஸ்தர்களிடம் சமர்ப்பித்துள்ளதாக ஹமாஸ் அறிவித்துள்ளது. ஹமாஸ் போர் நிறுத்தத்தை முன்மொழிவது இது நான்காவது முறையாகும் என்று அல் ஜசீரா தெரிவித்துள்ளது.

மனிதாபிமான உதவிக்காக காத்திருந்த பாலஸ்தீனியர்கள் மீது இஸ்ரேல் தாக்குதல் நடத்தியதில் நேற்று குறைந்தது 20 பேர் கொல்லப்பட்டதாகவும் 150க்கும் மேற்பட்டோர் காயமடைந்ததாகவும் வெளிநாட்டு ஊடகங்கள் செய்தி வெளியிட்டுள்ளன. தற்போது நடைபெற்று வரும் இஸ்லாமிய ரமழான் நோன்பு காலத்திற்கான மனிதாபிமான உதவிகள் அதிகரித்து வருவதாகவும், தெற்கு காசா பகுதியில் உள்ள உணவு விநியோக மையம் மீது இஸ்ரேலிய தாக்குதல் நடத்தியதை அடுத்து பாலஸ்தீன மக்கள் கடும் நெருக்கடியில் இருப்பதாகவும் கூறப்படுகிறது.

மேலும், இந்த தாக்குதல் திட்டமிட்ட தாக்குதல் என காசா பகுதியில் உள்ள சுகாதார அமைச்சகம் அறிக்கை வெளியிட்டுள்ளது. கடந்த ஆண்டு ஒக்டோபர் மாதம் முதல் இதுவரை 31,341 பாலஸ்தீனியர்கள் உயிரிழந்துள்ளதாகவும், 73,134 பேர் காயமடைந்துள்ளதாகவும் காஸா பகுதியில் உள்ள சுகாதார அமைச்சு மேலும் அறிவித்துள்ளது.