விசா பகுதி செயலிழந்தது சதியாலா? அரசு விசாரணை.
![](https://cdn.ceylonmirror.net/tamil/wp-content/uploads/2024/05/WhatsApp-Image-2024-05-04-at-02.43.35_3cbf20ba.jpg)
கட்டுநாயக்க விமான நிலையத்தில் வெளிநாட்டு தனியார் நிறுவனம் விசா வழங்குவதை மேற்கொண்டபோது சில இடையூறுகள் ஏற்பட்டன.
இதில் ஏதேனும் சதி நடந்துள்ளதா என்பதை கண்டறிய விசாரணை ஒன்று நடத்தப்படும் என பொது பாதுகாப்பு அமைச்சின் செயலாளர் வியானி குணதிலக்க தெரிவித்துள்ளார்.
திங்கட்கிழமை விசேட செய்தியாளர் சந்திப்பு!
சுற்றுலாப் பயணிகளுக்கு விசா வழங்குவது மற்றும் குடிவரவுத் திணைக்களம் தொடர்பில் நாட்டில் நிலவும் நிலைமையை விளக்கும் விசேட ஊடகவியலாளர் மாநாடு எதிர்வரும் திங்கட்கிழமை காலை பொது பாதுகாப்பு அமைச்சில் நடைபெறவுள்ளது.
விடயத்திற்குப் பொறுப்பான அமைச்சர் டிரான் அலஸ், சம்பந்தப்பட்ட அரச அதிகாரிகளுடன் இந்த ஊடகவியலாளர் சந்திப்பில் கலந்துகொள்ளும் போது எவ்வாறான பிரச்சனைகள் எழுந்தாலும் அதற்கான பதில்களை வழங்க தயாராக இருப்பதாக பொது பாதுகாப்பு அமைச்சு அறிவித்துள்ளது.
பொது பாதுகாப்பு அமைச்சர் டிரான் அலஸ் தற்போது வெளிநாட்டில் இருப்பதால், அவர் ஞாயிற்றுக்கிழமை (05) நாடு திரும்ப உள்ளார்.