GCE (O/L) ஆங்கில வினாத்தாளை WhatsApp செய்த ஆசிரியர் கைது!
![](https://cdn.ceylonmirror.net/tamil/wp-content/uploads/2024/05/arres.jpg)
இந்த நாட்களில் நடைபெறும் G CE (O/L) தேர்வின் ஆங்கில வினாத்தாளை WhatsApp குழுக்களில் வெளியிட்ட சம்பவம் தொடர்பாக டியுசன் வகுப்பு ஆசிரியர் கைது செய்யப்பட்டுள்ளார்.
குற்றப் புலனாய்வுத் திணைக்களத்தின் விசேட புலனாய்வுப் பிரிவினர் சந்தேக நபரை இன்று (12) கண்டியில் வைத்து கைது செய்துள்ளனர்.
முதற்கட்ட விசாரணையில் வாட்ஸ்அப் குழுவில் 1,025 உறுப்பினர்கள் இருப்பதாகவும் தெரியவந்துள்ளது.
கல்விப் பொதுச் சான்றிதழ் தேர்வின் ஆங்கில பரீட்சை கடந்த 9ம் தேதி நடைபெற்று, அட்டவணைப்படி காலை 8.30 மணிக்கு மாணவர்களுக்கு வினாத்தாள் வழங்கப்பட்டது.
எனினும், சந்தேகத்திற்குரிய இந்த ஆசிரியரால் காலை 9.11 மணியளவில் வாட்ஸ்அப் குழுவில் ஆங்கில வினாத்தாள் வெளியிடப்பட்டுள்ளதாக போலீசார் தெரிவித்தனர்.
கைது செய்யப்பட்ட சந்தேகநபரான உதவி வகுப்பு ஆசிரியர் இன்று நீதிமன்றத்தில் ஆஜர்படுத்தப்படவுள்ளார்.
சம்பவம் தொடர்பில் பரீட்சை திணைக்கள அதிகாரிகளிடமும் வாக்குமூலம் பதிவு செய்யப்பட்டுள்ளது.
சம்பவம் தொடர்பான மேலதிக விசாரணைகளை பிரதிப் பொலிஸ் மா அதிபர் ரொஹான் பிரேமரத்னவின் மேற்பார்வையில் குற்றப் புலனாய்வு திணைக்களத்தின் விசேட புலனாய்வுப் பிரிவினர் மேற்கொண்டு வருகின்றனர்.
2023 ஆம் ஆண்டுக்கான கல்விப் பொதுச் சான்றிதழ் பொதுத்தேர்வு கடந்த 06 ஆம் திகதி ஆரம்பமாகி எதிர்வரும் 15 ஆம் திகதி வரை நடைபெறவுள்ளது.