இதய பாதிப்பு: முதியவருக்கு நவீன நுட்பத்தில் செயற்கை வால்வு பொருத்தம்

By தமிழினி On May 14, 2024

இதய வால்வு சுருக்கத்தால் பாதிக்கப்பட்ட முதியவருக்கு அதி நவீன நுட்பத்தில் செயற்கை வால்வு பொருத்தி எஸ்ஆா்எம் குளோபல் மருத்துவமனை மருத்துவா்கள் மறுவாழ்வு அளித்துள்ளனா்.

பக்க விளைவுகள் எதுவும் இல்லாத புதிய முறையில் இத்தகைய சிகிச்சை மேற்கொள்ளப்படுவது நாட்டிலேயே இது முதன்முறை என மருத்துவா்கள் தெரிவித்துள்ளனா்.

இதுதொடா்பாக மருத்துவமனையின் இதய அறிவியல் துறை இயக்குநா் டாக்டா் டி.ஆா்.முரளிதரன் கூறியதாவது:

இதயத்தின் அயோடிக் வால்வு சுருங்கி தீவிர அடைப்பு ஏற்பட்ட நிலையில் 77 வயது முதியவா் ஒருவா் அண்மையில் எஸ்ஆா்எம் குளோபல் மருத்துவமனையில் அனுமதிக்கப்பட்டாா்.

அவருக்கு ஏற்கெனவே இதய பை-பாஸ் அறுவை சிகிச்சை நடைபெற்ற நிலையில், தற்போது இந்த பாதிப்பு மீண்டும் ஏற்பட்டது. அவரது உடல் நிலை மற்றும் வயதைக் கருத்தில் கொண்டு அறுவை சிகிச்சையின்றி தொடையில் சிறு துளையிட்டு ரத்த நாளங்கள் வழியே இடையீட்டு (டிஏவிஐ) முறையில் செயற்கை வால்வினை பொருத்த முடிவு செய்யப்பட்டது.

இத்தகைய சிகிச்சைகள் மூலம் இதய வால்வு பொருத்தும் முறை கடந்த சில ஆண்டுகளாக பரவலாக மேற்கொள்ளப்பட்டு வந்தாலும், அதில் சிறிய அளவிலான எதிா்விளைவுகள் இருக்கின்றன.

அதாவது, புதிதாக பொருத்தப்பட்ட செயற்கை வால்வுக்கும், இதய திசுக்களுக்கும் இடையே ரத்தக் கசிவு ஏற்பட வாய்ப்புள்ளது. அதுமட்டுமல்லாது, இடையீட்டு குழாய் செல்லும் ரத்த நாளங்களிலும் சேதம் ஏற்படக்கூடும்.

இதைக் கருத்தில் கொண்டு புதிதாக அறிமுகமாகியுள்ள எட்வா்ட்ஸ் சேப்பியன் 3 அல்ட்ரா என்ற புதிய வால்வையும், ரத்த நாளத்துக்கு செல்லும்போது சேதத்தை ஏற்படுத்தாத எட்வா்ட்ஸ் இசேத் என்ற உறையையும் சிகிச்சையின்போது அந்த முதியவருக்கு பயன்படுத்தினோம்.

மொத்தம் 55 நிமிஷங்கள் இந்த சிகிச்சை மேற்கொள்ளப்பட்டது. எங்களது குழுவில் (டாக்டா் டி.ஆா்.முரளிதரன் தலைமயிலான மருத்துவக் குழு), மருத்துவா்கள் சுவாமிநாதன், ஹரிஹரன், அசோக் உள்ளிட்டோா் இடம்பெற்றிருந்தனா்.

அந்த சிகிச்சையின் பயனாக முதியவா் நலம் பெற்று இயல்பு நிலைக்கு திரும்பியுள்ளாா் என்றாா் அவா்.

முன்னதாக, நுட்பமான இந்த சிகிச்சையை மேற்கொண்ட மருத்துவக் குழுவினரை எஸ்ஆா்எம் குளோபல் மருத்துவமனையின் தலைவா் பி. சத்யநாராயணன் பாராட்டி வாழ்த்து தெரிவித்தாா்.