மாட்டிறைச்சிக்கு பதிலாக நாய் இறைச்சி விற்ற யாழ். தெல்லிப்பளை உணவகத்தை இழுத்து மூட உத்தரவு.

நேற்று (20) யாழ்ப்பாணம் தெல்லிப்பளையில் உணவக உரிமையாளர் ஒருவர் மாட்டிறைச்சிக்கு பதிலாக நாய் இறைச்சியை விற்றார் என்ற சந்தேகத்தின் பேரில் உணவக உரிமையாளருக்கு 65’000 ரூபா தண்டம் விதித்த மல்லாகம் நீதவான், குறிப்பிட்ட உணவகத்தை இழுத்து மூடுமாறு தெல்லிப்பளை’ பொது சுகாதார பரிசோதகருக்கு உத்தரவிட்டார்.

நீதிமன்றத்தில் சமர்பிக்கப்பட்ட இறைச்சி மாதிரியை அரச ரசனையாளருக்கு அனுப்பி வைத்த நீதவான், விரைவில் அறிக்கை பெற்று நீதிமன்றில் சமர்ப்பிக்குமாறு உத்தரவிட்டார், அறிக்கை கிடைத்த பின்னர் விசாரணை நடத்தப்படும் என தெரிவித்தார்.

யாழ்ப்பாணத்தில் உள்ள உள்ளூர் ஊடகவியலாளர் ஒருவர் இரவு உணவிற்காக இந்த உணவகத்தில் இருந்து 500 ரூபாய்க்கு மாட்டிறைச்சி கறி வாங்கியுள்ளார்.

இறைச்சியை வீட்டிற்கு எடுத்துச் சென்று சாப்பிட முற்பட்டபோது, ​​நாயின் முடியைப் போன்ற முடி நிறைந்திருந்த இரண்டு இறைச்சித் துண்டுகளை அவதானித்துள்ளார் .

அவர் சாப்பிடுவதை நிறுத்திவிட்டு இரவு பொது சுகாதார பரிசோதகரை தேடிப் பிடித்து இறைச்சி மாதிரியை காட்டியுள்ளார்.

பொது சுகாதார அதிகாரி மற்ற அதிகாரிகள் குழுவுடன் தொடர்புடைய உணவகத்திற்குச் சென்று ஆய்வு செய்ததில், அங்கு விற்கப்படவிருந்த இறைச்சி கெட்டுப்போயிருந்ததுடன் , அந்த இறைச்சி மனிதர்கள் உண்ணத் தகுதியற்றது எனத் தெரியவந்துள்ளது.

அதன்படி, இறைச்சி மாதிரிகளை கைப்பற்றிய பொது சுகாதார பரிசோதகர்கள், உணவக உரிமையாளரை மறுநாள் நீதிமன்றத்தில் ஆஜர்படுத்தினர்.

உணவகத்தில் மாட்டு இறைச்சிக்கு பதிலாக நாய் இறைச்சி விற்கப்படுவதாக யாழ்.பிரதேச ஊடகவியலாளர் கூறியதையதையடுத்து, அந்த இறைச்சி மாதிரிகள் மாட்டிறைச்சியா அல்லது நாய்க்கறியா என்பது குறித்து முடிவெடுப்பதற்காக நீதிமன்றம், அரசாங்க சுவையாளரின் அறிக்கைக்காக அனுப்பட்டது.

சுவையாளரின் அறிக்கை கிடைக்கும் வரை உணவகத்தை மூட உத்தரவிட்டுள்ள நீதவான், அறிக்கை கிடைத்த பின்னர் உணவக உரிமையாளருக்கு எதிராக வழக்கு தொடரவும் தீர்மானித்துள்ளார்.