புங்குடுதீவு கோவில் கிணற்றில் இளம் பெண்ணின் சடலம்!

யாழ்ப்பாணம் புங்குடுதீவு மடத்துவெளி முருகன் ஆலய கிணற்றில் இருந்து சடலமாக மீட்கப்பட்ட யுவதி ஒருவரின் சடலம் நேற்று (4) மாலை ஊர்க்காவல்துறை பொலிஸ் உத்தியோகத்தர்கள் மற்றும் கிராம மக்களினால் மீட்கப்பட்டுள்ளது.

உயிரிழந்தவர் புங்குடுதீவு , மடத்துவெளி 8ஆம் குறுக்கு தெருவைச் சேர்ந்த 27 வயதுடைய சிவகுகானந்தன் சிந்துஜா என அடையாளம் காணப்பட்டுள்ளார்.

இவரின் மரணத்திற்கான காரணம் இதுவரை தெரியவராத நிலையில், சடலம் , பிரேத பரிசோதனைக்காக யாழ்ப்பாணம் போதனா வைத்தியசாலைக்கு கொண்டு செல்லப்பட்டுள்ளது.

சம்பவம் தொடர்பில் விசாரணைகளை முன்னெடுத்து வரும் ஊர்க்காவல்துறை பொலிஸார், உயிரிழந்த இளம் பெண்ணின் குடும்ப உறுப்பினர்களிடம் வாக்குமூலங்களைப் பெற்றுள்ள போதிலும், தமது மகள் காணாமல் போகவில்லை எனத் தெரிவித்துள்ளனர்.

அக்கம்பக்கத்தினர் வந்து அவரது சடலம் கோவில் கிணற்றில் இருப்பதாக கூறியதை அடுத்து, சம்பவம் குறித்து தங்களுக்குத் தெரியவந்ததாக அவர்கள் போலீஸாரிடம் கூறியுள்ளனர்.