மொட்டு தனி வேட்பாளரை முன்மொழிந்தால் கட்சி பிளவுபடும்.

ஜனாதிபதித் தேர்தலில் ஸ்ரீலங்கா பொதுஜன பெரமுன தனி வேட்பாளரை முன்மொழிந்தால் வெற்றிபெற முடியாது என அக்கட்சியின் நாடாளுமன்ற உறுப்பினர் பிரசன்ன ரணதுங்க தெரிவித்தார்.

மே 2022 இல் நடந்த சம்பவத்தால், கட்சி உறுப்பினர்கள் கட்சி மீது நம்பிக்கையுடன் இல்லை.

நாட்டில் நிலவிய இருண்ட யுகத்தை முடிவுக்கு கொண்டு வந்து நாட்டில் சட்டத்தின் ஆட்சியை நடைமுறைப்படுத்திய தலைவர் என ரணில் விக்கிரமசிங்க அவர்களை அழைக்கலாம்.

வீழ்ச்சியடைந்த பொருளாதாரத்தை மீட்டெடுப்பதன் மூலம் மக்களின் தேவைகளுக்கான தீர்வுகள் படிப்படியாக வழங்கப்பட்டுள்ளன.

இதன்படி எதிர்வரும் ஜனாதிபதித் தேர்தலில் ஜனாதிபதி ரணில் விக்கிரமசிங்கவிற்கு ஆதரவு வழங்கப்பட வேண்டுமென அவர் தெரிவித்துள்ளார்.

அதன் காரணமாக ஸ்ரீலங்கா பொதுஜன பெரமுனவினால் வேட்பாளரை முன்வைத்தால் கட்சி இரண்டாக பிளவுபடும் என அவர் மேலும் தெரிவித்தார்.