சுவிஸ் கணவனுக்கு வீடியோ லைவ் செய்தவாறு யாழில் தூக்கில் தொங்கிய மனைவி.

யாழ்ப்பாணம் ஆனைக்கோட்டை பிரதேசத்தில் வசிக்கும் மூன்று பிள்ளைகளின் தாயொருவர் நேற்று (01) தூக்கிட்டு தற்கொலை செய்து கொண்டுள்ளதாக யாழ்ப்பாணம் பொலிஸார் தெரிவித்தனர்.

உயிரிழந்த மூன்று பிள்ளைகளின் தாயானவரின் கணவர் சுவிட்சர்லாந்தில் இருக்கும் வேளையில், நேற்று காணொளி அழைப்பில் ஈடுபட்டு இருவருக்குமிடையில் வாக்குவாதம் ஏற்பட்டுள்ளதாக பொலிஸார் தகவல் வெளியிட்டுள்ளனர்.

பின்னர், இந்த பெண் வீடியோ அழைப்பில் இருக்கும்போதே தனது கணவர் முன் வீட்டில் தூக்குப்போட்டு தற்கொலை செய்து கொள்ள தொங்கியுள்ளார்.

அதே நேரத்தில், சுவிசில் வாழும் கணவர், அயலவர்களுக்கு தொலைபேசியில் அழைப்பு விடுத்து, பெண்ணை மருத்துவமனையில் அனுமதிக்க நடவடிக்கை எடுத்துள்ளார், ஆனால் அவரது உயிரைக் காப்பாற்ற முடியவில்லை என்று போலீசார் தெரிவித்தனர்.

மூன்று பிள்ளைகளின் தாயான 40 வயதுடைய நிலாஜினி லகிதா என்பவரே உயிரிழந்துள்ளதுடன், யாழ்ப்பாணம் பொலிஸார் மேலதிக விசாரணைகளை மேற்கொண்டு வருகின்றனர்.