பிரித்தானிய தேர்தலில் போட்டியிடும் 06 இலங்கையர்களில் இரு பெண்கள் முன்னிலையில்…

கடந்த ஜூலை மாதம் நான்காம் திகதி ஆரம்பமான பிரித்தானிய பொதுத் தேர்தலில் இலங்கை வம்சாவளியைச் சேர்ந்த ஆறு தமிழ் பிரஜைகள் போட்டியிட்டதாகவும், அதில் இரு பெண்களும் மற்ற நான்கு பேரை விட முன்னிலையில் இருப்பதாகவும் பிரித்தானிய செய்திகள் தெரிவித்திருந்தன.

அந்த இரு பெண்களும் யாழ்ப்பாணத்தில் பிறந்து பின்னர் பல்வேறு காரணங்களுக்காக பிரித்தானியா சென்று அங்கு படித்து , தற்போது பிரித்தானியாவில் சட்டத்தரணிகளாக மாறியுள்ளனர்.

இரண்டு பெண்களும் இரண்டு பொது நல நிறுவனங்களில் வழக்கறிஞர்களாக பணிபுரிகின்றனர்.

தொழிலாளர் கட்சி சார்பில் போட்டியிடும் கிருஷ்ணா ரிஷிகரன் இலங்கையில் பிறந்து பெற்றோரை இழந்து உறவினருடன் பிரித்தானியா சென்று அங்கு அனாதை இல்லத்தில் வாழ்ந்து படித்து வந்த பெண்.

உமா குமரனும் பிரித்தானியப் பொதுத் தேர்தலில் வேறொரு அரசியல் கட்சியிலிருந்து போட்டியிடுகிறார்.

இலங்கையை பூர்வீகமாகக் கொண்ட எஞ்சிய நால்வரும் ஆண் வேட்பாளர்கள் எனவும், பிரித்தானிய அரசியல் அறிக்கைகளின்படி, நான்கு ஆண்களை விட இரண்டு பெண்களும் முன்னணியில் இருப்பதாகவும் தெரிவிக்கப்பட்டுள்ளது.