அல்டேர் சோகம்: தூதரக அதிகாரத்தால் பாகிஸ்தான் நண்பரிடம் விசாரிப்பதில் தாமதம் (Video)

கொம்பனி தெரு அல்தார் அடுக்குமாடி குடியிருப்பின் 67வது மாடியில் இருந்து விழுந்த மாணவர் மற்றும் மாணவி உயிரிழந்த சம்பவம் தொடர்பில் விசாரணைகளை முன்னெடுத்த பொலிஸார் இதுவரை இறுதி முடிவுக்கு வர முடியாதுள்ளனர்.

அவர்கள் இறந்த அன்று, இமாம் என்ற பாகிஸ்தானிய நண்பரின் பெயரைப் பயன்படுத்தி மாணவர் மற்றும் மாணவி அடுக்குமாடி குடியிருப்புக்குள் நுழைந்துள்ளனர்.

61வது மாடியில் வசிப்பதாக கூறப்படும் இந்த நண்பரின் தந்தை பாகிஸ்தான் உயர்ஸ்தானிகராலயத்தின் உயர் அதிகாரி என தெரிவிக்கப்படுகிறது.

சம்பவத்தன்று உயிரிழந்த இருவரும் அந்த வீட்டில் விருந்துக்கு செல்ல விரும்புவதாக கூறி அடுக்குமாடி குடியிருப்பின் பாதுகாவலரிடம் அனுமதி பெற முயன்றதாகவும், அப்போது மாணவ நண்பர் வீட்டில் இல்லை என காவலாளிகள் தெரிவித்தனர். . ஆனால் இந்த இருவரையும் உள்ளே அனுமதிக்குமாறு அந்த நண்பர் தொலைபேசியில் கூறியுள்ளார்.

இமாம் என்ற மாணவன், உயிரிழந்த மாணவனும் சிறுமியும் கல்வி கற்கும் கொழும்பு சி.எஸ்.ஐ சர்வதேச பாடசாலையின் அதே வகுப்பில் பயின்று வந்துள்ளார்.

சம்பவம் தொடர்பில் மாணவரிடம் வாக்கு மூலம் ஒன்றை பதிவு செய்ய பொலிஸார் முயற்சித்துள்ள நிலையில், சம்பவம் இடம்பெற்று பல நாட்கள் கடந்தும் அவர்களால் வாக்குமூலம் ஒன்றை பதிவு செய்ய முடியவில்லை.

தூதுவர் சிறப்புரிமையின் கீழ் யாரையும் வீட்டுக்குள் அனுமதிக்கக் கூடாது என காவலர்களுக்கு கூறப்பட்டதே இதற்குக் காரணம். இதன் காரணமாக விசாரணைகளை முன்னெடுத்து வரும் பொலிஸ் அதிகாரிகள் இந்த வாக்குமூலத்தைப் பெற நீதிமன்றத்தின் உதவியை நாடியுள்ளனர்.

பாகிஸ்தான் மாணவனின் வீட்டிற்கு பொலிஸார் சென்று விசாரணைகளை மேற்கொள்ள முயற்சித்ததாகவும், ஆனால் மாணவனின் தந்தை பாகிஸ்தான் உயர்ஸ்தானிகராலயத்தின் உயர் அதிகாரி என்பதனால் சந்தர்ப்பம் கிடைக்கவில்லை என கோட்டை நீதவான் கோசல சேனாதீரவிடம் பொலிஸார் அறிவித்திருந்தனர்.

குறித்த நபருக்கு தூதுவர் சிறப்புரிமைகள் இருந்தால், உரிய சட்டத்தின் பிரகாரம் நடவடிக்கை எடுக்குமாறு கோட்டை நீதவான் கோசல சேனாதீர தெரிவித்தார்.

சம்பவம் நடந்த போது இமாம் வீட்டில் ஒரு பார்ட்டி நடந்ததாக காவல்துறைக்கு எந்த தகவலும் இல்லை. ஆனால் வெளிநாட்டு இளைஞன் , இறந்தவர்கள் அன்றைய தினம் அவரது வீட்டிற்கு வருவதை அறிந்திருந்ததாகவும் அவர் கட்டிடத்தின் பாதுகாவலர்களிடம் அது குறித்து தெரிவித்துள்ளதாகவும் விசாரணையில் தெரியவந்துள்ளது.

ஆனால், அன்றைய தினம் அவர்கள் அடுக்குமாடி குடியிருப்புக்கு வருவது அவர்களது பெற்றோருக்குத் தெரியவில்லை. உயிரிழந்த மாணவி ரோஸின் தாய், மகள் பாடசாலையை விட்டு வீடு வராததைக் கண்டு பயந்து கையடக்கத் தொலைபேசிக்கு அழைப்பு விடுத்த போதும் அது சுவிட்ச் ஆப் செய்யப்பட்டிருந்தது எனவும் தெரிவிக்கப்படுகிறது.

அதன்படி, மாணவியின் தந்தைக்கு இதுபற்றித் தெரிவித்ததையடுத்து, தந்தை தனது மகளின் நெருங்கிய தோழனை தொடர்பு கொண்டு, உயிரிழந்த மாணவியான மகளுடன் ,எங்கேயாவது சென்றிருக்கிறீர்களா என்று கேட்டுள்ளார். உயிரிழந்த மாணவன் கலவரமாகி மனமுடைந்து, தான் தன்னுடன் இல்லை எனக் கூறியபோதும், சட்டத்தரணியான மாணவியின் தந்தை சந்தேகத்துடன் இந்தப் பதிலை ஏற்காமல் , மாணவனை பயமுறுத்திய அவர், உண்மையை கூறாவிட்டால் போலீசில் புகார் செய்வேன் என கூறியுள்ளார்.

இந்த உரையாடல்களின் சூழ்நிலைகள் மற்றும் முறைகளை தெளிவுபடுத்துவதற்காக அதிகாரிகள் அவர்களின் கையடக்க தொலைபேசிகளையும் கண்காணித்துள்ளனர், மேலும் இறந்த மாணவி உயரமான இடங்களுக்குச் சென்று புகைப்படம் எடுப்பதில் அதிக ஆர்வம் காட்டுவதாகக் கூறப்படுகிறது. மேலும் அவரது மொபைல் போனில் இதுபோன்ற பல புகைப்படங்கள் இருந்ததாகவும் கூறப்படுகிறது. அதன்படி அவர்கள் 67வது மாடிக்கு சென்று அப்படி புகைப்படம் எடுக்க முற்பட்ட போது கீழே விழுந்திருக்கலாம் என போலீசார் சந்தேகிக்கின்றனர்.

இதேவேளை, கையடக்கத் தொலைபேசிகளில் பொருத்தப்பட்டுள்ள சிம் அட்டைகள் தொடர்பான தொலைபேசி அழைப்புத் தரவுப் பதிவுகளை கொம்பனித்தெரு பொலிஸாரிடம் ஒப்படைக்குமாறு கோட்டை நீதவான் கோசல சேனாதீர, சம்பந்தப்பட்ட தொலைபேசி சேவை நிறுவனங்களுக்கு உத்தரவிட்டுள்ளார்.