டயானாவுக்கு வழக்கு தாக்கல்!

மத மற்றும் குடிவரவு சட்டத்தை மீறி தவறான தகவல்களை சமர்ப்பித்து வெளிநாட்டு கடவுச்சீட்டுகளை பெற்ற குற்றச்சாட்டில் முன்னாள் அமைச்சர் டயானா கமகேவுக்கு எதிராக கொழும்பு பிரதான நீதவான் நீதிமன்றத்தில் இன்று வழக்கு தாக்கல் செய்யப்பட்டுள்ளதாக தெரிவிக்கப்படுகின்றது.

பிணையில் உள்ள டயானா கமகே நீதிமன்றில் ஆஜராகியதையடுத்து, குற்றப் புலனாய்வுத் திணைக்களம் முறைப்பாடு செய்து வழக்குத் தாக்கல் செய்ததுடன், ஆகஸ்ட் 1ஆம் திகதி குற்றச்சாட்டுகள் வாசிக்கப்படும் என கொழும்பு மேலதிக நீதவான் ஹர்ஷன கெகுலுவெல தெரிவித்ததாகக் கூறப்படுகிறது.

பிரதம நீதவான் இன்று விடுமுறையில் இருப்பதால் குற்றப்பத்திரிகை வாசிப்பு ஒத்திவைக்கப்பட்டுள்ளதாக தெரிவிக்கப்படுகின்றது.

குற்றப் புலனாய்வுப் பிரிவினரால் நீதிமன்றில் முன்னிலைப்படுத்தப்பட்ட குற்றவாளியின் இராஜதந்திர கடவுச்சீட்டை நீதிமன்றப் பாதுகாப்பில் வைக்குமாறும் நீதவான் உத்தரவிட்டுள்ளதாகத் தெரிவிக்கப்படுகிறது.