“லஞ்சத்தை தடுக்க மதுவின் விலையை குறையுங்கள் : கொலைகளை ஊடகங்களில் காட்டாதீர்கள் ” ராகுல தேரர்.

சட்டப்பூர்வ மதுபானங்களின் விலை குறைக்கப்பட்டால் நாட்டு மக்களுக்குப் பலன் கிடைக்கும் என தேசிய நாமல் உயனே அமைப்பின் ஸ்தாபகர் வனவாசி ராகுல தேரர் தெரிவித்துள்ளார்.

மதுபானத்தின் விலையை குறைப்பதன் மூலம் நாட்டில் போதைப்பொருள் அச்சுறுத்தலை முற்றாக தடுத்து நிறுத்த முடியும் எனவும் அதன் மூலம் மக்களை சரியான பாதைக்கு வழிநடத்த முடியும் எனவும் அவர் தெரிவித்துள்ளார்.

இந்த நாடு தற்போது சிகாகோவாக மாறியுள்ளதால், இந்த முறையை தொடர்ந்தும் முன்னெடுக்க முடியுமா என்பது கேள்விக்குறியாக உள்ளதாக வனராசி ராகுல தேரர் மேலும் தெரிவித்துள்ளார்.

மேலும் கருத்து தெரிவித்த வனராசி ராகுல தேரர்,

“சுற்றுலா இந்த நாட்டில் ஒரு முக்கியமான ஒன்று . சுற்றுலா என்பது நம் நாட்டின் பொருளாதாரத்தை கட்டியெழுப்பும் வணிகமாகும். உலக மக்கள் யூடியூப் மற்றும் பிற சமூக ஊடகங்களில் இருந்து இந்த நாட்டுக்கு வரவே பயப்படுகிறார்கள். இலங்கையைத் சமூக ஊடகங்களில் தேடும் போது சமூக ஊடகங்களில் வருவது கொலைச் சம்பவங்கள்தான். நம் நாட்டு ஊடகங்கள் சில கொலைச் சம்பவங்களை மக்களிடம் அப்படியே காட்டுவதையும் பார்த்திருக்கிறேன். அது நெறிமுறை ஊடக நிறுவனங்களின் பொறுப்பு என்று நான் நினைக்கவில்லை.

எனவே இதுபோன்ற செயல்களைச் செய்யாதீர்கள். இவற்றுக்கு அரசாங்கம் சட்டம் இயற்ற வேண்டும். வெளிநாடுகளில் உள்ள ஊடகங்கள் ஒருவரின் கொலை தொடர்பான படங்களை காட்டுவதில்லை. கடந்த நாட்களில் நடந்த அனைத்து சம்பவங்களையும் ஊடகங்கள் மூலம் காட்டுவதை நாம் பார்த்திருக்கிறோம். அவர்களைப் பார்க்கவே பயமாக இருக்கிறது. எந்த பயமுமின்றி துப்பாக்கியுடன் வந்து மக்களை சுட்டுத்தள்ளுகிறார்கள்.

இவற்றைப் பார்த்தாலே சிறு குழந்தைகளின் மனம் கூட சிதைந்து விடுகிறது. இப்போது ஒவ்வொரு குழந்தையிடமும் தொலைபேசி உள்ளது. கண்களால் பார்க்க முடியாத புகைப்படங்களும் வீடியோக்களும் போனில் கிளிக் செய்தவுடன் வந்துவிடும். இதுபோல வெளிநாடுகளில் காட்டுவதில்லை. எனவே, குழந்தைகளின் மனதைக் குழப்பும், குழந்தைகளின் மனதை மாற்றும், ஒட்டுமொத்த மக்களின் மனதை மாற்றும் இதுபோன்ற விஷயங்களைப் பரப்புவதைத் தடுக்க, ஊடக நெறிமுறைகளை நடத்த வேண்டிய பொறுப்பு அரசுக்கு உள்ளது.

இந்த நாட்டில் மதுவை பயன்படுத்துபவர்கள் அதிகம். காலையில் இருந்து வேலை பார்க்கும் மக்களுக்கு சட்டப்படி மது பாட்டிலை எடுத்து குடிக்க வழியில்லை. காரணம் வானளாவிய விலை. VAT மிக அதிகமாக உள்ளது. எனவே, மதுபானங்களின் விலையைக் குறைத்து, நம் நாட்டு மக்களுக்குச் சில வசதிகளை ஏற்படுத்தித் தருவது நல்லது. மது விலை அதிகமாக இருப்பதும் சட்டவிரோத மதுபானம் அதிகரிப்பதற்கு ஒரு காரணம், மது அருந்துவதை நான் ஏற்கவில்லை. மதுபானங்களின் விலையைக் குறைப்பதனால் எமது கிராம மட்டத்தில் உள்ள போதைப்பொருள் அச்சுறுத்தலையும் சட்டவிரோதமாக மது காய்ச்சுவதையும் முற்றாக நிறுத்த முடியும் என்றார் அவர்.