பேருந்து விபத்தில் ஒருவர் பலி 8 பேர் மருத்துவமனையில்!

மல்சிறிபுர, பன்லியத்த பிரதேசத்தில் இரண்டு பேருந்துகள் மோதி விபத்துக்குள்ளானதில் ஒருவர் உயிரிழந்துள்ளார்.

கொழும்பில் இருந்து திருகோணமலை நோக்கி பயணித்த பஸ்ஸும் மட்டக்களப்பில் இருந்து கொழும்பு நோக்கி பயணித்த பஸ்ஸும் நேருக்கு நேர் மோதியதில் இந்த விபத்து இடம்பெற்றுள்ளதாகவும், விபத்தில் 8 பேர் காயமடைந்துள்ளதாகவும் பொலிஸார் தெரிவித்தனர்.

உயிரிழந்தவர் மட்டக்களப்பில் இருந்து கொழும்பு நோக்கி பயணித்த பேருந்தின் சாரதி எனவும், சம்பவம் தொடர்பான மேலதிக விசாரணைகளை மல்சிறிபுர பொலிஸார் மேற்கொண்டு வருகின்றனர்.