கொழும்பில் முச்சக்கரவண்டிக்குள் கூரிய ஆயுதத்தால் தாக்கப்பட்டு கொலையான ஒருவரது உடல்.

கொழும்பு 7 , வார்ட் பிளேஸில் நிறுத்தப்பட்டிருந்த முச்சக்கரவண்டிக்குள் கூரிய ஆயுதங்களால் தாக்கப்பட்டு கொல்லப்பட்ட நபரின் சடலம் ஒன்று இன்று (23) கண்டெடுக்கப்பட்டுள்ளது.

உயிரிழந்தவர் 33 வயதுடையவர் என பொலிஸார் தெரிவித்தனர்.

இன்று (23) அதிகாலை 1 மணியளவில் குருந்துவத்தை பொலிஸாருக்கு 119க்கு கிடைத்த தகவலின் அடிப்படையில் தேசிய பல் வைத்தியசாலைக்கு அருகில் முச்சக்கரவண்டி கண்டுபிடிக்கப்பட்டுள்ளது.

பின்னர் மோட்டார் போக்குவரத்து திணைக்களம் நடத்திய விசாரணையில் அது மித்தெனிய பிரதேசத்தை சேர்ந்த ஒருவருடையது என தெரியவந்ததையடுத்து குறித்த நபரிடம் விசாரணைகளை மேற்கொண்ட போது குறித்த முச்சக்கரவண்டியை 33 வயதான தனது மைத்துனருக்கு வாடகைக்கு வழங்கியுள்ளதாக தெரிவித்துள்ளார்.

சம்பவம் தொடர்பான மேலதிக விசாரணைகளை குருந்துவத்தை பொலிஸார் மேற்கொண்டு வருகின்றனர்.