பல்கலைக்கழக மாணவர் ஒருவர் தூக்கிட்டு மரணம்!

ஸ்ரீ ஜயவர்தனபுர பல்கலைக்கழக மாணவர் ஒருவர் தூக்கிட்டு தற்கொலை செய்து கொண்டுள்ளார்.

கடுகன்னாவ பரகடவெல்ல பிரிமத்தலாவ பகுதியைச் சேர்ந்த 22 வயதுடைய மாணவனே உயிரிழந்துள்ளார்.

குறித்த இளம் மாணவன் நேற்று (23) காலை கடுகன்னாவ பொலிஸாரால் தனது வீட்டிற்கு அருகிலுள்ள காட்டுப் பகுதியில் உள்ள மரத்தில் தூக்கில் தொங்கிய நிலையில் சடலமாக மீட்கப்பட்டுள்ளார்.

சடலம் தற்போது கண்டி தேசிய வைத்தியசாலையின் பிரேத அறையில் வைக்கப்பட்டுள்ளதுடன், பிரேத பரிசோதனையின் பின்னர் சடலம் உறவினர்களிடம் ஒப்படைக்கப்படவுள்ளது.