விடைபெற்றார் விக்கிரமபாகு (Photos & Videos)
மறைந்த பேராசிரியர் விக்கிரமபாகு கருணாரத்னவின் இறுதிக் கிரியைகள் இன்று (27) பிற்பகல் பொரளை மயானத்தில் இடம்பெற்றது.
மூத்த அரசியல்வாதியான காலஞ்சென்ற நவ சமசமாஜக் கட்சியின் தலைவர் கலாநிதி விக்கிரமபாகு கருணாரத்னவின் இறுதிக்கிரியைகள் இன்று இடம்பெற்றன.
பொரளை தனியார் மலர்சாலையில் வைக்கப்பட்டிருந்த பூதவுடலுக்கு ஜனாதிபதி ரணில் விக்ரமசிங்க , முன்னாள் ஜனாதிபதி மஹிந்த ராஜபக்ஷ மற்றும் பல அரசியல் கட்சிகளின் பிரதிநிதிகளும் , மக்களும் வருகை தந்திருந்து இறுதி அஞ்சலி செலுத்தினர்.
அதனைத் தொடர்ந்து இன்று பிற்பகல் ஐந்து மணியளவில் பொரளை பொது மயானத்தில் சடலத்தின் இறுதிக் கிரியைகள் இடம்பெற்றன. இந்நிகழ்ச்சியில் பல்வேறு தரப்பினரும் கலந்து கொண்டனர்.
நீண்ட காலமாக தீவிர அரசியலில் ஈடுபட்டு வந்த கலாநிதி விக்கிரமபாகு கருணாரத்ன தனது 81 ஆவது வயதில் காலமானார்.
நவ சமசமாஜக் கட்சியின் பொதுச் செயலாளராக இருந்த விக்கிரமபாகு கருணாரத்ன, சமூக அநீதிகளுக்கு எதிராகப் போராடிய அரசியல்வாதியாவார்.
