மதுரு ஓயா பேருந்து மோதல் : 23 பேரை வைத்தியசாலைக்கு அனுப்பி வைத்த முரட்டுச் சாரதி!

நேற்று (03) இரவு பயங்கர வாகன விபத்து ஒன்று இடம்பெற்றுள்ளது.

பொலன்னறுவை அரலகங்வில – மஹாஓயா பிரதான வீதியின் மாதுருஓயா NDK நீர்த்தேக்கத்திற்குச் செல்லும் சந்தியை அண்மித்த அம்பலம் பகுதியில் இரண்டு பேருந்துகள் நேருக்கு நேர் மோதியதில் இந்த விபத்து ஏற்பட்டுள்ளது.

இரண்டு பஸ்களின் முன்பக்கமும் தூளாகியுள்ளன. எவருக்கும் பெரிதான சேதம் இல்லை. ஆபத்தான நிலையில் நோயாளிகள் குறித்து தெரிவிக்கப்படவில்லை.

தற்போது இந்த விபத்தில் 23 பேர் காயமடைந்து மருத்துவமனையில் அனுமதிக்கப்பட்டுள்ளனர்.

அவர்கள் அரலகங்வில பிராந்திய வைத்தியசாலையிலும் மஹாஓயா ஆதார வைத்தியசாலையிலும் 12 பெண்கள், 8 குழந்தைகள் மற்றும் மூன்று ஆண்கள் காயமடைந்து அனுமதிக்கப்பட்டு சிகிச்சை பெற்று வருகின்றனர்.

இந்த விபத்துடன் தொடர்புடைய பேருந்தை அனுராதபுரத்தில் இருந்து அம்பாறை உகனை நோக்கி செலுத்திய பஸ் சாரதி கைது செய்யப்பட்டுள்ளார்.