நீரில் மூழ்கி இளைஞர் சாவு!

நீரில் மூழ்கி இளைஞர் ஒருவர் பரிதாபகரமாக உயிரிழந்துள்ளார்.

சமனல குளம் அணைக்கட்டுக்கு அருகில் நீரில் மூழ்கியே மேற்படி இளைஞர் உயிரிழந்துள்ளார் என்று பலாங்கொடை பொலிஸார் தெரிவித்துள்ளனர்.

வென்னப்புவ, கொலிஞ்சாடிய பகுதியைச் சேர்ந்த உடகம மனன்னலகே கமல் பெர்சரா என்ற 29 வயதுடைய நபரே உயிரிழந்துள்ளார்.

கொரிய பரீட்சைக்குத் தோற்றி அதில் சித்தியடைந்த நிலையில் நேற்று மாலை சமணல ஏரி அணைக்கட்டுக்கு அருகில் உள்ள குளத்தில் இளைஞர்கள், ஆசிரியருடன் நீராடச் சென்றுள்ளனர்.

இதன்போது நீராடச் சென்ற ஒருவர் காணாமல்போன நிலையில், அவரது சடலம் மீட்கப்பட்டுள்ளது என்று பொலிஸார் தெரிவித்தனர்.