ஜெர்மனி சோலிங்கன் முக்கொலையுடன் தொடர்புடைய பிரதான சந்தேக நபர் கைது!

ஜெர்மனியின் சோலிங்கனில் நேற்று (24) கூரிய ஆயுதத்தால் குத்தியதில் மூவர் உயிரிழந்துள்ளதுடன் நால்வர் படுகாயமடைந்தனர்.

அந்தசோலிங்கன் நகரில் இடம்பெற்ற மூன்று கொலைகளுடன் தொடர்புடைய பிரதான சந்தேக நபர் கைது செய்யப்பட்டுள்ளார்.

Solingen நகரின் 650வது ஆண்டு நிறைவைக் கொண்டாட ஏற்பாடு செய்யப்பட்டிருந்த நிகழ்வுக்கு வந்த இனந்தெரியாத ஒருவரால் இந்தத் தாக்குதல் நடத்தப்பட்டுள்ளதாக தெரியவருகிறது.

இசை நிகழ்ச்சியொன்று இடம்பெற்றுக்கொண்டிருந்த வேளையில் அங்கிருந்தவர்கள் மீது தாக்குதல் நடத்தி விட்டு , தப்பிச் சென்றிருந்த நிலையில் அந்நாட்டு பாதுகாப்பு தரப்பினர் மேற்கொண்ட விசாரணைகளின் போது பிரதான சந்தேக நபரும் கொலையுடன் தொடர்புடைய மேலும் இருவரும் கைது செய்யப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.