அனுரகுமாரவுக்கு எதிராக இலஞ்ச ஊழல் ஆணைக்குழுவில் முறைப்பாடு.

தேசிய மக்கள் சக்தியின் தலைவரும், ஜனாதிபதி வேட்பாளரும், நாடாளுமன்ற உறுப்பினருமான அநுரகுமார திஸாநாயக்கவுக்கு எதிராக நேற்று முன்தினம் (27ஆம் திகதி) சிவில் அமைப்பு ஒன்று இலஞ்ச ஊழல் விசாரணை ஆணைக்குழுவிடம் முறைப்பாடு ஒன்றை செய்துள்ளது.

17 வருடங்களாக , பாராளுமன்ற வளாகத்தை பயன்படுத்தி அரசாங்கத்திற்கு பாரிய நிதி இழப்பை ஏற்படுத்தி வருவதாக சிவில் பிரஜைகள் போராட்ட இயக்கம் என்ற சிவில் அமைப்பின் அழைப்பாளர் தர்ஷன தந்திரிகே தெரிவித்தார்.

பாராளுமன்ற உறுப்பினர் அனுரகுமார திஸாநாயக்கவுக்கு பாராளுமன்றத்திலிருந்து 25 கிலோமீற்றருக்கும் குறைவான தூரத்தில் கடவத்த, கிரில்லவல, வெவஹேன வீதியில் சொந்த வீடு ஒன்று உள்ள நிலையில், உத்தியோகபூர்வ இல்லத்தை பெற்று , பாராளுமன்றத்தில் இருந்து அரசாங்கத்திற்கு நிதி இழப்பை ஏற்படுத்தி
மோசடி செய்துள்ளதாக சிவில் பிரஜைகள் போராட்ட இயக்கம் தனது முறைப்பாட்டில் தெரிவித்துள்ளது.

பாராளுமன்ற உறுப்பினர் ஒருவர் உத்தியோகபூர்வ வாசஸ்தலத்தைப் பெற்றுக் கொள்ளக்கூடிய விடயங்களைத் தெரிந்துகொள்ள தமது அமைப்பு தகவல் அறியும் சட்டத்தின் கீழ் பாராளுமன்றத்திடம் கோரிக்கை விடுத்ததாக சிவில் பிரஜைகள் போராட்ட இயக்கத்தின் அழைப்பாளர் தர்ஷன தந்திரிகே இங்கு தெரிவித்தார்.

அதன்படி, நாடாளுமன்ற உறுப்பினருக்கு வீடு வழங்குவதற்கு விண்ணப்பதாரர் அமைச்சராக இருக்கக்கூடாது.

பாராளுமன்றத்திலிருந்து 25 மைல்களுக்குள் வீடுகள் இருக்கக்கூடாது.

விண்ணப்பதாரரும் மனைவியும் அந்தத் தூரத்தில் ஒரு வீட்டை வாடகைக்கு எடுத்திருக்கவோ அல்லது குத்தகைக்கு எடுத்திருக்கவோ கூடாது.

விண்ணப்பதாரருக்கு அரசாங்கத்திலோ அல்லது குடியிருப்பிலோ வீடு இருக்கக் கூடாது என நாடாளுமன்றம் பதில் அனுப்பியுள்ளதாக அவர் கூறினார்.

கடந்த 2007ம் ஆண்டு மே மாதம் 20ம் தேதி கடவத்தை வீட்டை பாராளுமன்ற உறுப்பினரான அநுர கையகப்படுத்தி, இருந்த போதிலும் 17 ஆண்டுகளாக அரசுக்கு நிதி இழப்பை ஏற்படுத்தி உள்ளார்.

இவ்வாறான குற்றங்கள் கண்டறியப்பட்ட பின்னர், 2023ஆம் ஆண்டு 09ஆம் இலக்க ஊழல் தடுப்புச் சட்டத்தின் 90ஆவது பிரிவின்படி, 10 வருடங்களுக்கு குறையாத சிறைத்தண்டனையும், 10 இலட்சம் ரூபாவிற்கு மிகையாகாமல் அபராதமும் விதிக்க முடியும் என அவர் தெரிவித்துள்ளார்.