பாஸ்போர்ட், விசா பிரச்னைகளால் வெளிநாட்டில் வசிக்கும் மக்கள் இங்கு வாக்களிக்க வர வழி இல்லை – விஜித ஹேரத்

இலங்கையில் தற்போது நிலவும் விசா மற்றும் கடவுச்சீட்டு நெருக்கடி காரணமாக ஜனாதிபதி தேர்தலில் வாக்களிப்பதற்காக இலங்கைக்கு வரவிருக்கும் புலம்பெயர்ந்த இலங்கை தொழிலாளர்கள் சிரமங்களை எதிர்நோக்கியுள்ளதாக விஜித ஹேரத் தெரிவித்துள்ளார்.

அதிகளவான புலம்பெயர் தொழிலாளர்கள் தேர்தலுக்காக இலங்கைக்கு வருவார்கள் என எதிர்பார்க்கப்பட்ட போதிலும் கடவுச்சீட்டு காலாவதியாவதிலும், அவற்றை புதுப்பிப்பதில் சிரமங்களை எதிர்நோக்கியுள்ளதாகவும் விசா பெறுவதில் சிரமங்களை எதிர்நோக்குவதாகவும் விஜித ஹேரத் தெரிவித்துள்ளார்.

இந்த பிரச்சனையை பெரிதாக்க அரசு வேண்டுமென்றே அனுமதித்துள்ளதா என்ற சந்தேகம் எழுந்துள்ளது என்றும் கொழும்பில் நடைபெற்ற செய்தியாளர் சந்திப்பில் அவர் இதனைத் தெரிவித்தார்.