தேர்தல் கால ஒருங்கிணைந்த அவசர அனர்த்த முகாமைத்துவ நிலையம்

ஜனாதிபதி தேர்தல் காலப்பகுதியில் அனர்த்தங்களினால் ஏற்படக்கூடிய பாதிப்புகளை குறைக்கும் வகையில் இன்று (19) முதல் விசேட வேலைத்திட்டம் அமுல்படுத்தப்பட்டுள்ளதாக அனர்த்த முகாமைத்துவ நிலையத்தின் பணிப்பாளர் நாயகம் மேஜர் ஜெனரல் உதய ஹேரத் தெரிவித்துள்ளார்.

இதற்கான திட்டம் தேர்தல் ஆணையத்துடன் இணைந்து தயாரிக்கப்பட்டுள்ளது.

தேர்தல் ஆணைக்குழு, அனர்த்த முகாமைத்துவ நிலையம், ஆயுதப்படை, பொலிஸ் மற்றும் ஏனைய நிறுவனங்களின் ஒருங்கிணைப்புடன் அனர்த்த முகாமைத்துவ நிலையத்தில் நிறுவப்பட்டுள்ள விசேட தேர்தல் கூட்டு அனர்த்த செயற்பாட்டுப் பிரிவின் ஊடாக விசேட வேலைத்திட்டம் நடைமுறைப்படுத்தப்படுகிறது.

ஏதேனும் அனர்த்த சூழ்நிலை காரணமாக தேர்தல் கடமைகள் அல்லது வாக்களிப்பதில் இடையூறுகள் ஏற்பட்டால், அனர்த்த முகாமைத்துவ நிலையத்தின் அவசர தொலைபேசி இலக்கமான 117க்கு அழைக்க முடியும்.

இல்லையெனில், சிறப்பு ஒருங்கிணைந்த அவசர எண்களான 0113668032, 0113668087 அல்லது 0113668025 ஆகிய எண்களுக்கு அழைக்கலாம்.

இந்த விசேட கூட்டு அவசர அனர்த்த முகாமைத்துவ நிலையம் எதிர்வரும் ஞாயிற்றுக்கிழமை (22) வரை இயங்கும் என பணிப்பாளர் நாயகம் மேலும் தெரிவித்தார்.