துறைமுக கடத்தலை அம்பலப்படுத்திய பத்திரிக்கையாளருக்கு மிரட்டல்..

சுதந்திர பத்திரிகை இயக்கம் வெளியிட்டுள்ள செய்திக்குறிப்பு இதோ……..

செய்திக்குறிப்பு

ஊடகவியலாளர் திஸ்ஸ ரவீந்திர பெரேராவின் பாதுகாப்பை உறுதிப்படுத்தப்படுத்தவும் – ஊடக சுதந்திர இயக்கம் அரசாங்கத்திற்கு தகவல்.

கொழும்பு துறைமுகத்தில் சரக்கு கொள்கலன்களுக்கான டெண்டர் விடப்பட்டதில் இடம்பெற்ற மோசடி மற்றும் ஊழலை அம்பலப்படுத்திய ஊடகவியலாளர் திஸ்ஸ ரவீந்திர பெரேரா, தொலைபேசி மூலம் தனக்கு விடுக்கப்பட்ட உயிருக்கு அச்சுறுத்தல் விடுத்துள்ளதாக பொலிஸில் முறைப்பாடு செய்துள்ளார்.

ஊடகவியலாளர் திஸ்ஸ ரவீந்திர பெரேராவுக்கு அச்சுறுத்தல் விடுத்தமைக்கு பின்னணியில் தொடர்புடைய ஊழல் பேரங்களின் பின்னணியில் உள்ள குடுலால் (தூள் லால்) என்ற வெளிநாட்டில் வசிப்பவர் ஒருவர் இருப்பதாக சுதந்திர பத்திரிகை இயக்கம் நடத்திய விசாரணையில் தெரியவந்துள்ளது.

திஸ்ஸ ரவீந்திர பெரேராவுடன் தொடர்புடையவர்கள் மற்றும் இந்தக் கடத்தல் குற்றங்களில் தொடர்புடையவர்கள் இலங்கையில் தங்கியிருப்பதால் அவரது உயிருக்கு ஆபத்து ஏற்படலாம் என சுதந்திர ஊடக இயக்கம் சந்தேகம் வெளியிட்டுள்ளது.

இந்த ஊழல் பரிவர்த்தனைகளில் துறைமுகம் தொடர்பான அதிகாரிகளும் அங்கம் வகிக்கலாம்.

ஊழல் மற்றும் சட்டவிரோத கொடுக்கல் வாங்கல்கள் காரணமாக அரசாங்கம் இழந்த செல்வம் குறித்து திஸ்ஸ ரவீந்திர பெரேரா தனது அறிக்கைகளில் வெளிப்படுத்தியுள்ளார்.

எனவே ஊழலை ஒழிப்பதாக வாக்குறுதி அளித்து ஆட்சிக்கு வந்த இந்த அரசுக்கு அவரைப் போன்ற ஊடகவியலாளர்களின் உயிரைக் காக்க வேண்டிய தீவிரப் பொறுப்பு உள்ளது.

திஸ்ஸ ரவீந்திர பெரேராவின் பாதுகாப்பை உறுதி செய்வதற்கு அரசாங்கம் தனது பொறுப்பை நிறைவேற்றி, சாத்தியமான அனைத்து நடவடிக்கைகளையும் எடுக்க வேண்டும் என சுதந்திர பத்திரிகை இயக்கம் கடுமையாக வலியுறுத்துகிறது.

– சுதந்திர பத்திரிக்கை இயக்கம்