வசாவிளான் – அச்சுவேலி வீதி இன்று திறப்பு.

வசாவிளான் மத்திய கல்லூரியூடாக அச்சுவேலி நோக்கிச் செல்லுகின்ற வீதி இன்று வெள்ளிக்கிழமை மக்கள் போக்குவரத்துக்குத் திறந்து வைக்கப்படவுள்ளது.

இராணுவ முகாமுக்கு அருகாமையில் உள்ள இந்த வீதி 34 ஆண்டுகளாக மூடப்பட்டிருந்தது.

இந்த வீதியைத் திறந்து மக்களின் இலகுவான போக்குவரத்துக்கு வழிசமைக்குமாறு நீண்ட காலமாக அரசியல் கட்சிகள் மற்றும் பொது அமைப்புக்களால் கோரிக்கை முன்வைக்கப்பட்டு வந்தது.

யாழ்ப்பாணம் மாவட்ட இராணுவக் கட்டளைத் தளபதி மேஜர் ஜெனரல் சந்தன விக்கிரமசிங்கவால் இன்று காலை 6 மணிக்கு சம்பிரதாயபூர்வமாக இந்த வீதி திறந்து வைக்கப்படவுள்ளது என்பது குறிப்பிடத்தக்கது.