காட்டு யானை தாக்கி ஆண் ஒருவர் மரணம்.

காட்டு யானையின் தாக்குதலுக்கு இலக்காகி ஆண் ஒருவர் உயிரிழந்துள்ளார்.

இந்தச் சம்பவம் பதுளை, கிராந்துருகோட்டை – செனவிகம பகுதியில் நேற்று வியாழக்கிழமை இரவு இடம்பெற்றுள்ளது.

கிராந்துருகோட்டை பகுதியைச் சேர்ந்த 57 வயதுடைய நபரே உயிரிழந்துள்ளார்.

மேற்படி நபர் நேற்று இரவு 9 மணியளவில் தனது காணிக்கு வந்த காட்டு யானையை விரட்ட முற்பட்டபோது யானையின் தாக்குதலுக்கு இலக்காகியுள்ளார்.

அவர் சம்பவ இடத்திலேயே உயிரிழந்துள்ளார் என்று விசாரணைகளை மேற்கொண்டு வரும் கிராந்துருகோட்டை பொலிஸார் தெரிவித்துள்ளனர்.

உயிரிழந்தவரின் சடலத்தை நீதிவான் பார்வையிட்டதன் பின்னர் சடலம், பிரேத பரிசோதனைக்காக மஹியங்கனை வைத்தியசாலைக்குக் கொண்டு செல்லப்பட்டுள்ளது.