எரிபொருள் ஃபார்முலா போரில், வசந்த – காஞ்சன மோதல் ..

ஸ்வர்ணவாஹினி சேனலில் நேற்றைய ‘ரத்து இர’ நிகழ்ச்சியில் பல காரசாரமான விவாதங்கள் நடந்தன.

அரசாங்க தரப்பில் இருந்து கலந்துரையாடலுக்கு வருகை தந்திருந்த தேசிய மக்கள் சக்தியின் பாராளுமன்ற வேட்பாளர் வசந்த சமரசிங்க மற்றும் காஞ்சன விஜேசேகர ஆகியோருடன் எரிபொருள் விலை சூத்திரம் மற்றும் இந்த நாட்டில் எரிபொருள் விற்பனை செய்யும் நிறுவனங்களுடனான ஒப்பந்தங்கள் தொடர்பில் காரசாரமான கலந்துரையாடல் இடம்பெற்றது. .

நிறுவனமொன்று அரசாங்கத்திற்கு நஷ்டஈடு கோரி கடிதம் அனுப்பியுள்ளதாக ஜனாதிபதி விடுத்துள்ள அறிக்கை தொடர்பில் காஞ்சன விஜேசேகர, இது நிர்வாகத்தை புரிந்து கொள்ளாததன் அடிப்படையில் வெளியிடப்பட்ட அறிக்கை எனவும், தமது முந்தைய அரசாங்கத்துக்கும் இவ்வாறான பல கடிதங்கள் தமக்கு கிடைத்துள்ளதாகவும் தெரிவித்தார்.

ஆனால் அவர்கள் எவரும் அந்த நிறுவனங்களுக்கு நட்டத்தை செலுத்தவில்லை என்றும், இம்முறை வந்துள்ள கடிதத்தையும் சட்டமா அதிபரால் ஆலோசித்து, அது தொடர்பான சட்ட விவகாரங்களை எடுக்க முடியும் என்றும் அவர் சுட்டிக்காட்டினார்.

உற்பத்திச் செலவு மற்றும் எரிபொருள் விலை சூத்திரத்தால் நிர்ணயிக்கப்பட்ட விலையை விட மானியத்தின் கீழ் குறைந்த விலையில் எரிபொருளை அரசாங்கம் வழங்கினால் மட்டுமே எந்தவொரு நிறுவனத்திற்கும் அரசாங்கம் நஷ்டஈடு செலுத்தும் என்று அவர் மேலும் கூறினார்.

இதன்படி, முன்னர் குறிப்பிட்டது போன்று தற்போது அனைத்து எரிபொருள் வரிகளையும் அரசாங்கம் நீக்க முடியும் எனவும், எந்தவொரு நிறுவனத்திற்கும் ஒருபோதும் நட்டத்தை செலுத்த தேவையில்லை எனவும் அவர் மேலும் தெரிவித்தார்.

விவாத வீடியோ :