மறைத்து வைத்திருந்த தேரர் ஒருவரது ஜீப் கைப்பற்றப்பட்டுள்ளது.

சந்தேகத்திற்கிடமான ஜீப் வண்டியொன்றை உடுதும்பர பொலிஸார் கைப்பற்றியுள்ளனர்.

இந்த ஜீப் மஹியங்கனை பிரதேசத்தில் உள்ள ஒருவருக்கு சொந்தமானது எனவும், உடு தும்பர உயன்வல பகுதியிலுள்ள வீடொன்றின் கேரேஜ் ஒன்றில் நிறுத்தி வைக்கப்பட்டிருந்ததாகவும் தெரிவிக்கப்பட்டுள்ளது.

சுமார் ஆறு மாதங்களுக்கு முன்னர் குறித்த வீட்டு நிகழ்வொன்றில் பங்குபற்றுவதற்காக குறித்த நபர் வந்து வாகனத்தை அங்கு நிறுத்தியதாக வீட்டின் உரிமையாளர் குறிப்பிட்டுள்ளார்.

குறித்த ஜீப்பின் இலக்கத்துடன் குருநாகல் அந்தாகல பிரதேசத்தில் பதிவு செய்யப்பட்ட மற்றுமொரு ஜீப் ஒன்றும் இருப்பது தெரியவந்துள்ளது.

இந்த வாகனத்தை நிறுத்தியதாகக் கூறப்படும் தேரரை வாக்குமூலம் அளிக்க காவல்துறைக்கு வருமாறு தெரிவிக்கப்பட்டுள்ளது.