தனுஷைக் குறைகூறிய நயன்தாரா

திரைப்பட நடிகை நயன்தாரா நடிகர் தனுஷை Instagram மூலம் வெளிப்படையாகக் குறைகூறியுள்ளார்.

நாளை மறுநாள் (18 நவம்பர்) நயன்தாராவின் வாழ்க்கையை மையமாக வைத்து எடுக்கப்பட்ட ‘Beyond the Fairy Tale’ ஆவணப்படம் Netflixஇல் வெளியாகவிருக்கிறது.

அதில் 2015ஆம் ஆண்டு தனுஷ் தயாரித்த “நானும் ரௌடி தான்” திரைப்படக் காட்சி ஒன்று இடம்பெற்றுள்ளது. அதனைக் காரணங்காட்டி தனுஷ் தமது வழக்கறிஞர் மூலம் 10 கோடி ரூபாய் கேட்டிருப்பதாக நயந்தாரா கூறினார்.

“நானும் ரௌடி தான்” திரைப்படம் வெற்றிபெற்றதில் தனுஷுக்கு மகிழ்ச்சி இல்லை என்றும் அவர் குறிப்பிட்டார்.

“இந்த உலகம் மிகப் பெரியது. இங்கு அனைவருக்கும் இடமுண்டு. பிறர் வெற்றி காணும்போது உங்களிடமிருந்து எதுவும் பறிபோகாது. நல்லதை நினையுங்கள்.அன்பைப் பகிருங்கள்,” என்று நயன்தாரா சொல்லியிருக்கிறார்.

அவரது கணவர் விக்னேஷ் சிவனும் அவரது Instagramஇல் இது குறித்துப் பதிவு செய்திருந்தார்.

Netflix ஆவணப்படத்தில் சேர்க்கப்பட்ட 3 விநாடிக் காணொளியை இங்கு இலவசமாகப் பாருங்கள் என்று அவர் வேடிக்கையாக எழுதியிருந்தார்.