நாமல் கருணாரத்ன அமைச்சரவையில் இல்லை…

அனுபவம் வாய்ந்த அரசியல்வாதியாகவும், விவசாயத் தலைவராகவும் தேசிய மக்கள் சக்தியின் குருநாகல் மாவட்டத்தில் இருந்து அதிக வாக்குகளைப் பெற்ற நாமல் கருணாரத்ன, இன்று பதவியேற்ற அமைச்சரவை அமைச்சர்கள் மத்தியில் இல்லாதது குறிப்பிடத்தக்கது.

2004 கூட்டணி அரசில் நாடாளுமன்ற உறுப்பினர். இம்முறை குருநாகல் மாவட்டத்தில் இருந்து நாமல் கருணாரத்ன பெற்ற வாக்குகள் – 356,969. குருநாகல் தேசிய மக்கள் சக்தியின் குழுத் தலைவராக நாமல் கருணாரத்ன இவ்வருட பொதுத் தேர்தலில் அதிகூடிய வாக்குகளைப் பெற்றுள்ளார்.

நாட்டிற்காக அரசியல் முடிவுகளை எடுப்பதில் கட்சியின் தலைவர்கள் எவ்வளவு தியாகம் செய்தார்கள் என்பதை தேசிய மக்கள் சக்தி அரசு உணர்த்தியுள்ளதாகவும், அரச இயந்திரத்தை நடைமுறைப்படுத்துவதில் அவர் முக்கிய பங்கு வகிக்க உறுதி பூண்டுள்ளதாகவும் கட்சியின் உள் வட்டாரங்கள் தெரிவிக்கின்றன.