மண்மேடு சரிந்து வீழ்ந்து பாடசாலை மாணவன் பலி.

தெல்தெனிய பொலிஸ் பிரிவுக்குட்பட்ட மெதமஹனுவர, கல்லேவத்தை பிரதேசத்தில் மண்மேடு சரிந்து வீழ்ந்ததில் பாடசாலை மாணவன் ஒருவர் உயிரிழந்துள்ளார்.

16 வயதுடைய செனர டில்ஷான் என்ற மாணவனே உயிரிழந்துள்ளார்.

சீரற்ற காலநிலையால் இன்று அதிகாலை 4.30 மணியளவில் வீடொன்றுக்கு அருகிலிருந்த மண்மேடு சரிந்து வீழ்ந்த நிலையில் வீட்டில் உறங்கிக் கொண்டிருந்த பாடசாலை மாணவன் மண்ணுக்குள் புதைந்துள்ளார்.

இந்நிலையில், மாணவன் மீட்கப்பட்டு மெதமஹனுவர வைத்தியசாலையில் சேர்க்கப்பட்ட போதிலும் சிகிச்சை பலனின்றி உயிரிழந்துள்ளார்.

சம்பவத்தில் 61 வயதுடைய பெண்ணும், 14 வயது சிறுவனும் படுகாயமடைந்த நிலையில் வைத்தியசாலையில் சிகிச்சை பெற்று வருகின்றனர்.