ஜீப் வண்டி ஒன்று புத்கமுவ ஓயாவில் வீழ்ந்து இரு சகோதரர்கள் உயிரிழப்பு (Video)

இன்று அதிகாலை குளியாப்பிட்டிய பொலிஸ் பிரிவிற்குட்பட்ட குளியாப்பிட்டிய ஹெட்டிபொல வீதியில் கம்புராபொல பாலத்திற்கு அருகில் குளியாப்பிட்டியவில் இருந்து ஹெட்டிபொல நோக்கி பயணித்த ஜீப் வண்டி ஒன்று புத்கமுவ ஓயாவில் வீழ்ந்த விபத்தில் சிக்கிய 25 மற்றும் 27 வயதுடைய குருநாகல் பகுதியைச் சேர்ந்த, இரு சகோதரர்கள் உயிரிழந்தார்கள்.

கிரேன் உதவியுடன் நீரோடையில் விழுந்த ஜீப் வண்டியை மீட்ட போதிலும், வாகனத்திற்குள் சிக்கியிருந்த இருவரும் குளியாப்பிட்டிய வைத்தியசாலைக்கு கொண்டு வருவதற்கு முன்னரே உயிரிழந்தமை உறுதிப்படுத்தப்பட்டுள்ளது.

விபத்து இடம்பெற்ற இடம் வளைவுகள் நிறைந்த இடம் எனவும், தற்போதைய விசாரணைகளின் படி வாகனம் கட்டுப்பாட்டை இழந்து வீதி ஓரத்தில் உள்ள ஓடையில் விழுந்துள்ளதாக தெரியவந்துள்ளது.

சடலங்கள் குளியாப்பிட்டி வைத்தியசாலையின் பிரேத அறையில் வைக்கப்பட்டுள்ளதுடன், குளியாப்பிட்டிய பொலிஸார் மேலதிக விசாரணைகளை மேற்கொண்டு வருகின்றனர்.