அமைச்சரவையில் ஏன் முஸ்லிம் இல்லை?- அமைச்சர் விஜித பதில் (வீடியோ)

நேற்று (22) அக்குரணையில் முஸ்லிம்கள் குழுவொன்றுடன் இடம்பெற்ற சந்திப்பில், அமைச்சரவையில் முஸ்லிம் அமைச்சர் ஒருவர் இடம்பெறாதமை தொடர்பில் இராஜாங்க அமைச்சர் விஜித ஹேரத் காரசாரமாக கலந்துரையாடியுள்ளார்.

எவ்வாறாயினும், தமது அரசாங்கத்தினால் நியமிக்கப்பட்ட பிரதி சபாநாயகர் முஸ்லிம், மற்றும் முஸ்லிம் ஆளுநர்கள் மற்றும் ஏனைய முஸ்லிம்களின் பதவிகள் பற்றி இந்த விடயத்தை முன்வைப்பவர்கள் பேசுவதில்லை எனவும் அமைச்சர் விஜித ஹேரத் சுட்டிக்காட்டியுள்ளார்.

தமது அரசாங்கம் மக்களை இனக்குழுக்களாகப் பிரித்து ஆட்சி செய்வதில்லை எனவும், சில அரசியல்வாதிகள் முஸ்லிம் மக்களை ஊக்குவிக்க முயற்சிப்பதாகவும் அமைச்சர் சுட்டிக்காட்டினார்.

முஸ்லிம் மக்களுக்கு அநீதி இழைக்க இடமளிக்கப்பட மாட்டாது என அமைச்சர் வலியுறுத்தியுள்ளார்.

அங்கு நடந்த உரையாடல் பின்வருமாறு.

முஸ்லிம் சமூகத்தை பிரதிநிதித்துவப்படுத்தும் ஒருவர் – நாங்கள் ஜாதி அடிப்படையில் அமைச்சரவை அமைச்சு கேட்கவில்லை

அமைச்சர் விஜித ஹேரத் –
“அதைக் கேட்க வேண்டாம். அது தவறு.”

முஸ்லிம் சமூகத்தைப் பிரதிநிதித்துவப்படுத்தும் ஒருவர் – எமது மதத்தவருக்கு ஏதாவது பிரச்சினை வந்தால் அதை அமைச்சரவைக்குத் தெரியப்படுத்த , எவருமே இல்லையே சார்?

அமைச்சர் விஜித ஹேரத் –
“இல்லை, அது தவறு. 2004ல் நான் கேபினட் அமைச்சராக இருந்தேன். அப்போது முஸ்லிம் குழந்தைகளின் ஹிஜாபை அணிய துணி கொடுக்க வேண்டும் என்று அமைச்சரவைப் பத்திரம் போட்ட நான் ஒரு சிங்களவன், முஸ்லிம் அமைச்சர்கள் அல்ல.”

நாங்கள் நீங்கள் நினைப்பது போல இல்லை. எனவே முஸ்லீம் ஒருவரே தேவை இல்லை. மறுபுறம், உங்களைப் பற்றி பேசுவதற்கு அம்பாறையில் இருந்து ஒரு முஸ்லிம் எம்பி தெரிவாகவில்லை. ஆனாலும் ஆதம் பாவாவை தேசிய பட்டியலில் வழியாக நியமித்தோம். எப்பொழுதும் அப்படி யோசிப்பதுதான் ஒரே வழி. மேல் மாகாண ஆளுநராக முஸ்லிம் ஒருவர் நியமிக்கப்பட்டுள்ளார். அமைச்சர் இல்லை என்று தொடங்கிவிடாதீர்கள். நாங்கள் சரியான நபர்களை சரியான இடங்களில் நியமித்துள்ளோம். நாங்கள் இப்படித்தான்.