மாங்குளம் விபத்தில் சிக்கிய மற்றைய இளைஞரும் மரணம் – உயிரிழந்தோர் எண்ணிக்கை மூன்றாக உயர்வு.

விபத்தில் சிக்கி படுகாயமடைந்து சிகிச்சை பெற்று வந்த இளைஞர் ஒருவர் உயிரிழந்துள்ளார்.

மாங்குளத்தைச் சேர்ந்த மரியதாஸ் யுவான் கீர்த்தி (வயது 36) என்பவரே உயிரிழந்துள்ளார்.

கடந்த 20ஆம் திகதி இவர் விபத்தில் சிக்கியிருந்தார். இவர் மல்லாவியில் இருந்து மாங்குளம் நோக்கி வந்தபோது எதிர்த்திசையில் வந்த மோட்டார் சைக்கிள் மோதி விபத்து நடந்திருந்தது. இந்த விபத்தில் இளைஞர்கள் இருவர் உயிரிழந்திருந்த நிலையில், இவர் படுகாயமடைந்த நிலையில் மாங்குளம் மருத்துவமனையில் சேர்க்கப்பட்டிருந்தார்.

மாங்குளம் மருத்துவமனையில் இருந்து மேலதிக சிகிச்சைக்காக யாழ்ப்பாணம் போதனா மருத்துவமனைக்கு மாற்றப்பட்டிருந்தநிலையில், இவர் நேற்று உயிரிந்தார்.

மரண விசாரணைகளை யாழ்ப்ப்பாணம் போதனா மருத்துவனை திடீர் மரண விசாரணை அதிகாரி ந.பிறேமகுமார் மேற்கொண்டார்.