நினைவேந்தலுக்குச் சென்றவர் விபத்தில் சிக்கி பரிதாபச் சாவு!

யாழ். கொடிகாமம் பொலிஸ் பிரிவுக்குட்பட்ட நாவலடிப் பகுதியில் ஏ – 9 வீதியில் நேற்று புதன்கிழமை பிற்பகல் இடம்பெற்ற விபத்தில் ஆண் ஒருவர் சம்பவ இடத்திலேயே உயிரிழந்துள்ளார்.

மேற்படி நபர் மாவீரர் நினைவேந்தல் நிகழ்வுக்கு மோட்டார் சைக்கிளில் செல்லும்போதே கனரக வாகனம் ஒன்றுடன் மோதி விபத்துக்குள்ளாகி உயிரிழந்துள்ளார் என்று தெரிவிக்கப்படுகின்றது.

வல்வெட்டித்துறைப் பகுதியைச் சேர்ந்த சண்முகவடிவேல் என்பவரே இவ்வாறு விபத்தில் சிக்கி உயிரிழந்துள்ளார்.

உயிரிழந்தவரது சடலம் சாவகச்சேரி ஆதார வைத்தியசாலையில் வைக்கப்பட்டுள்ளது.

விபத்துத் தொடர்பான மேலதிக விசாரணைகளை கொடிகாமப் பொலிஸார் மேற்கொண்டு வருகின்றனர்.